YouTube គឺជាកន្លែងដែលប្រមូលផ្តុំទៅដោយវីដេអូប្លែកៗជាច្រើនជុំវិញពិភពលោក ប៉ុន្តែថ្មីៗនេះ YouTube បានធ្វើការលុបវីដេអូ2ចេញពីផ្លេតហ្វមរបស់ខ្លួនចោល ដែលពាក់ព័ន្ធជាមួយនឹង ការយកកូនរបស់ខ្លួនឯងទៅតេស្តមុខងារ Autopilot របស់ឡាន Tesla ។
ដោយយោងទៅតាមការចុះផ្សាយរបស់ CNBC បានឱ្យដឹងថា លោក Tad Park ដែលត្រូវជាម្ចាស់ឡានក៏ដូចជាអ្នកវិនិយោគមួយរូបក្នុងក្រុមហ៊ុន Tesla បានធ្វើការសាកតេស្តសាកល្បងនិងចង់ដឹងច្បាស់ពីបច្ចេកវិទ្យា Autopilot និង Full-Self-Driving(FSD) ដែលមាននៅក្នុងឡាន Tesla ថាវាមានប្រសិទ្ធភាពយ៉ាងណា។
ជុំវិញរឿងនេះមិនមែនមានន័យថាឱ្យឡាននោះជាអ្នកបើកខ្លួនឯងទេពោលគឺ ចង់ដឹងពីបច្ចេកវិទ្យានៃការចាប់សញ្ញានៅពេលដែលមានមនុស្សដើរកាត់ជាពិសេសក្មេងៗ ហើយឡាននឹងបន្ថយល្បឿនដោយស្វ័យប្រវត្តិតែម្តង ហើយក្នុងករណីវីដេអូដែលបានលុបចេញនេះ ក្មេងដែលគេបានយកទៅធ្វើតេស្តគឺមិនមានគ្រោះថ្នាក់អ្វីនោះទេពោលគឺដើរនៅលើផ្លូវធម្មតា។
យ៉ាងណាមិញចំពោះអ្នកនាំពាក្យរបស់ YouTube វិញបានឱ្យដឹងថា ជាច្បាប់រប់សក្រុមហ៊ុន YouTube គឺមិនអនុញ្ញាតយកក្មេងៗមិនទាន់គ្រប់អាយុទៅចូលរួមធ្វើវីដេអូបែបគ្រោះថ្នាក់បែបនេះទេ ហើយក៏មិនលើកទឹកចិត្តឱ្យមានការធ្វើវីដេអូបែបគ្រោះថ្នាក់ដូចនេះដែរ។
ចំពោះម្ចាស់ឡានដែលមានឈ្មោះ Tad Park ក៏បានលើឡើងផងដែរថា អ្វីគ្រប់យ៉ាងដែលមានក្នុងវីដេអូនេះគឺគាត់រៀបចំទុកអស់ហើយជាមួយនឹងការបើកឡាន Tesla Model 3 ដើម្បីតេស្តសាកល្បងជាមួយនឹងកូនគាត់ ហើយជាក់ស្តែងគឺគ្នានរណាម្នាក់រងគ្រោះថ្នាក់នោះទេ។
អត្ថបទដោយ៖ រិន មករា
