ក្នុងវេទិការកំពូលមួយក្រោមប្រធានបទ Accelerating Open Gateway in the Era 5G-Advanced ប្រព្រឹត្តិទៅក្នុងព្រឹត្តិការណ៍ MWC Shanghai 2024 នេះ វេជ្ជបណ្ឌិត Phillip Song ប្រធានផ្នែកទីផ្សារនៃក្រុមហ៊ុន Huawei Carrier Business Group បានធ្វើការពន្យល់អំពីរបៀបដែល Open Gateway នឹងមានសារៈសំខាន់សម្រាប់ក្រុមហ៊ុនសេវាទូរស័ព្ទ ក្នុងការចាប់យកប្រតិបត្តិការដែលផ្ដោតលើបទពិសោធន៍ល្អពីសមត្ថភាពផ្សេងៗនៃបច្ចេកវិទ្យាប្រព័ន្ធបណ្ដាញសេវា 5G-A ក្នុងយុគសម័យនៃ ទូរស័ព្ទ AI នេះ។

តាមបទបង្ហាញពីសំណាក់លោកវេជ្ជបណ្ឌិត Song ដដែលបានឱ្យដឹងថា Open Gateway នឹងអនុញ្ញាតឱ្យក្រុមហ៊ុនសេវាទូរស័ព្ទបង្កើត និងផ្ដល់ឱ្យសេវាដែលថ្មី មានសភាពងាយស្រួលប្រើប្រាស់សម្រាប់អ្នកប្រើ តាមរយៈការប្រើប្រាស់ APIs បើកទូលាយ ក្រុមហ៊ុនទាំងនោះនឹងអាចផ្ដល់បទពិសោធន៍ដាច់ដោយឡែកដល់អ្នកប្រើប្រាស់នីមួយៗ។

ជាមួយគ្នានេះក្រុមហ៊ុនសេវាទូរស័ព្ទក៏អាចនឹងពង្រឹងប្រសិទ្ធភាពនៃប្រតិបត្តិការរបស់ខ្លួនផងដែរ ព្រមទាំងអភិវឌ្ឍច្រករកចំណូលថ្មីបន្ថែមទៀត។

គេឃើញមានប្រយោជន៍ជាគន្លឹះសំខាន់ ៣ នៃការប្រើប្រាស់ Open Gateway នេះ៖

-     ធ្វើឱ្យប្រសើរឡើងនូវបទពិសោធន៍អ្នកប្រើប្រាស់: តាមរយៈការទាញ AI និង 5G-A បញ្ចូលគ្នា ក្រុមហ៊ុន សេវាទូរស័ព្ទអាចផ្ដល់ជូននូវសេវាសម្រិតសម្រាំងយ៉ាងពិសេសបំពេញតម្រូវការអ្នកប្រើប្រាស់ម្នាក់ៗបាន

-     គម្រូអាជីវកម្មថ្មី: APIs នេះនឹងអនុញ្ញាតឱ្យក្រុមហ៊ុនប្រព័ន្ធទូរស័ព្ទស្វែងរកផ្លូវថ្មីក្នុងការរកចំណូលបន្ថែមពីសេវាកម្មរបស់ខ្លួន

-     ការកើនឡើងនៃប្រសិទ្ធភាព: Open APIs នឹងជួយសម្រួលដល់ការដាក់ឱ្យប្រើប្រាស់នូវសេវាថ្មីៗបានលឿន និង ងាយស្រួលក្នុងការគ្រប់គ្រងកាន់តែប្រសើរនៃធនធានផ្សេងៗ។

ចំពោះគម្រោងបន្ថែមទៀត Huawei នឹងនៅតែបន្តក្នុងការអភិវឌ្ឍ APIs សម្រាប់ប្រព័ន្ធបណ្ដាញសេវា និង សហការជាមួយនឹងក្រុមហ៊ុនសេវាទូរស័ព្ទសកលក្នុងការជម្រុញនិងអភិវឌ្ឍ សេវាថ្មីៗបន្ថែមទៀត។

សរុបជារួម Open Gateway នេះនឹងជម្រុញនវានុវត្តន៍ថ្មីលើវិស័យទូរគមនាគមន៍ និង ឱកាសរកស៊ីថ្មីនៅក្នុងវិស័យនេះ តាមរយៈការចាប់យកប្រយោជន៍ពីភាពរីកចម្រើននៃបច្ចេកវិទ្យា 5G-A និង AI។