ចង់ធ្វើវីដេអូតែមិនចង់ចេញមុខ តោះមកដឹងស្គាល់វេបសាយមួយអាចបញ្ចូលអក្សរខ្មែរ និងបញ្ចេញសំឡេងខ្មែរបានកំផ្លេ
Makara Rin
JULY 4 2024
គន្លឹះល្អៗ
44 views
1 min read

បច្ចុប្បន្នបច្ចេកវិទ្យា AI កាន់តែរីកចម្រើន ដែលអាចឲ្យយើងធ្វើការងារបានច្រើនជាពិសេសសម្រាប់ផលិតវីដេអូគឺកាន់តែមានភាពងាយស្រួល ដោយយើងអាចប្រើ AI ឲ្យជួយបង្កើតវីដេអូដោយស្វ័យប្រវត្តិ បង្កើតសំឡេង ឬក៏បង្កើតរូបភាពតាមការស្រមើស្រមៃជាដើម ។

ដោយឡែកសម្រាប់ AI ទាំងអស់នោះភាគច្រើនគឺមិនទាន់អាចប្រើប្រាស់ជាមួយនឹងភាសាខ្មែររបស់យើងបាននោះទេ ប៉ុន្តែប្រសិនបើអ្នកទាំងអស់គ្នាចង់បង្កើតសំឡេងជាភាសាខ្មែរតាមរយៈការបញ្ចូលអក្សរជាភាសាខ្មែរ គឺអ្នកទាំងអស់គ្នាអាចសាកចូលទៅប្រើវេបសាយមួយនេះបានឈ្មោះថា narakeet ដែលវាអាចបង្កើតសំឡេងទាំងភេទប្រុសនឹងភេទស្រី។ ដូច្នេះខាងក្រោមនេះគឺជារបៀបក្នុងការប្រាស់៖

របៀបប្រើ

  • ចូលទៅកាន់វេបសាយ narakeet
  • បន្ទាប់មកចូលទៅកាន់មុខងារ Voice ហើយចុចលើពាក្យថា Convert Text to Speech
  • ជំហ៊ានបន្ទាប់យើងត្រូវរើសយកភាសាខ្មែរ
  • ហើយសម្រាប់ប្រភេទសំឡេងយើងអាចរើសតាមចិត្តបានស្រឡាញ់មួយណារើសមួយនោះ
  • បន្ទាប់មកទៀតយើងត្រូវបញ្ចូលអត្ថបទដែលយើងចង់ឲ្យវាអានចូល ដែលយើងអាច Paste បញ្ចូលតែម្តងក៏បាន ឬក៏ទាញយកចេញពី File ក៏បានដែរ
  • ហើយចុងក្រោយចុចលើពាក្យ Create Audio ជាការស្រេច

 

Thumbnail គូសបញ្ជាក់ផងដែរថា ប្រសិនបើយើងបញ្ចូលអត្ថបទវែងៗគឺតម្រូវឲ្យបង់លុយដើម្បីទិញជាចំនួននាទី ដែលតម្លៃគឺមានទៅតាមចំនួននាទីនីមួយៗ។

 អត្ថបទដោយ៖ រិន​​ មករា

បន្តអានអត្ថបទបន្ទាប់
ស្វែងយល់អំពីពួកយើង
ទំនាក់ទំនង​មក​ពួក​យើង
© 2024 Baksey Media. All Rights Reserved.
Developed by: Technology Cambodia