សម្រាប់អ្នកដែលប្រើប្រាស់ iPhone ឬក៏ Android ប្រសិនបើប្រើអេបថតធម្មតាដែលនៅក្នុង iPhone ស្រាប់គឺមានការពិបាកនៅក្នុងការកំណត់ទៅលើមុខងារមួយចំនួនដែលមាននៅលើកាមេរ៉ាធំ ដោយឡែកបច្ចុប្បន្ននេះគឺយើងមិនចាំបាច់ពិបាកទៀតទេ ពោលគឺមានអេបចំនួន២ ដែលអនុញ្ញាតឲ្យយើងធ្វើការប្រើប្រាស់មុខងារផ្សេងៗដើម្បីថតវីដេអូសឹងតែដូចជាមួយនឹងកាមេរ៉ាធំដែរ។
Final Cut Camera
សម្រាប់អេបមួយនេះគឺ Apple ទើបដាក់បញ្ចេញឲ្យប្រើប្រាស់ថ្មីៗនេះដែរ ដែលយើងអាចប្រើវានៅលើ iPhone និង iPad ដោយអេបមួយនេះវាមានលក្ខណៈពិសេសជាច្រើនដើម្បីជំនួយដល់ការថតវីដេអូឲ្យកាន់តែល្អជាងមុន ហើយខាងក្រោមនេះគឺជាមុខងារពិសេសៗដែលមាននៅក្នុងអេប Final Cut Camera៖
មុខងារនិងលក្ខណៈពិសេសសំខាន់
- មានជម្រើសក្នុងការរើសទៅលើកម្រិត Resolution បានយ៉ាងងាយស្រួល
- អាចរើស Frame Rate, Codec និងអាចរើសទៅលើការថតបែប Log បានថែមទៀត
- អាចកំណត់ទៅលើ Exposure, Shutter Speed
- អាចកំណត់ទៅលើ White Balance មុខងារ Focus ក៏យើងអាចប្រើនៅក្នុងអេបនេះបានដែរ
- លើសពីនេះទៅទៀតនៅពេលដែលយើងថតហើយក៏យើងអាចធ្វើការបញ្ជូនភ្លាមៗទៅកាន់ iPad ដើម្បីកាត់តក៏បាន
- មិនតែប៉ុណ្ណោះនៅក្នុង iPad យើងក៏អាចប្រើអេបមួយនេះដើម្បីធ្វើជា Live Multicam នៅក្នុងការមើលប្លង់ផ្សេងៗពេលដែលថត អាចស្គាល់ជាមួយនឹង Audio input ច្រើន និងមុខងារជាច្រើនទៀតដែលយើងអាចប្រើបាននៅក្នុងអេបមួយនេះ
នេះគឺជាតំណភ្ជាប់សម្រាប់ទាញយក Final Cut Camera
Blackmagic Camera
អេបទី២នះគឺឈ្មោះថា Blackmagic Camera ដែលត្រូវបានបង្កើតឡើងដោយ Blackmagic ដែលវាអាចបំប្លែង iPhone ឬក៏ទូរស័ព្ទប្រភេទ Android របស់អ្នកទាំងអស់គ្នាទៅជាកាមេរ៉ាដែលអាចថតវីដេអូបែបជំនាញបាន ពោលគឺវាផ្តល់នូវសមត្ថភាពថតជាវីដេអូគុណភាពខ្ពស់និងការកំណត់ទៅលើមុខងារផ្សេងៗបានច្រើនស្រដៀងគ្នាជាមួយនឹងកាមេរ៉ាធំដែរ។
មុខងារនិងលក្ខណៈពិសេស
- Digital Film: អេបមួយនេះវាអាចធ្វើឲ្យ ទូរស័ព្ទរបស់អ្នកអាចថតវីដអូបានកម្រិតភាពយន្តបាន ពោលគឺយើងអាចកំណត់ក៏ដូចជាប្រើប្រាស់មុខងារជាច្រើនដែលវាស្រដៀងជាមួយកាមេរ៉ាបែប Professional ដែរដូចជា៖ Frame rate, White balance, ISO, Resolution, Codec, Color Profile... ជាដើម
- ចំពោះ Audio វិញក៏យើងអាចកំណត់បានច្រើនជម្រើសបានដូចគ្នាដូច Audio input, Output, Format, និងមុខងារមុខងារទាក់ទងនឹងសំឡេងមួយចំនួនទៀត
- សម្រាប់ផ្នែក Monitor វិញវាសឹងតែដូចជាមួយកាមេរ៉ាធំបាត់ទៅហើយពោលគឺយើងអាចកំណត់ទៅលើ Focus Assist, Monitor Display, Histogram… ជាដើម
- ចំណុចដែលខ្ញុំគិតថាវាពិសេសមួយទៀតគឺ LUTS ដោយក្នុងអេបមួយនេះយើងអាចឲ្យវាបង្ហាញទៅលើការដាក់បញ្ចូល Luts ឬក៏រើស Luts បញ្ចូលដោយខ្លួនឯងក៏បាន និងរើសទៅលើប្រភេទ Colorspace ជាដើម
- មិនតែប៉ុណ្ណោះក្នុងអេបមួយនេះវាមានមុខងារពិសេផ្សេងៗជាច្រើនទៀតដែលអ្នកទាំងអស់គ្នាអាចសាកចូលទៅប្រើប្រាស់ដោយខ្លួនឯងបាន
ហើយនេះគឺជាតំណភ្ជាប់សម្រាប់ទាញយក Blackmagic Camera
អត្ថបទដោយ៖ រិន មករា