ប្រភពដដែលបានឱ្យដឹងទៀតថា បើតាមទិន្នន័យពី USB Promoter Group ដែលរួមមានវត្តមានក្រុមហ៊ុនបច្ចេកវិទ្យាយក្សធំៗ ដូចជា Intel, Apple, Microsoft, HP និង Texas Intruments បាននឹងយាយថា សម្រាប់ USB កំណែទម្រង់ថ្មីនេះ នឹងជួយជំរុញឱ្យកានផ្ទេរទិន្នន័យផ្សេងៗ កាន់តែល្អប្រសើរ និងលឿនជាងមុន។

ជាមួយគ្នានេះដែរ បើតាមលោក Joe Balich អ្នកនាំពាក្យរបស់ USB-IF បានឱ្យដឹងថា ខ្សែរ USB 4 នេះ នឹងជួយបន្ថែមល្បឿនសាកថ្ម និងការផ្ទេរទិន្នន័យផ្សេងៗ នាពេលអនាគត។​ ហើយសម្រាប់ខ្សែរ USB 4 នេះ នឹងដាក់បង្ហាញខ្លួនមុនកម្មវិធីកិច្ចប្រជុំអ្នកអភិវឌ្ឍន៍ USB DevDays ដែលជាកម្មវិធីប្រជុំអ្នកវិស្វ័ករបច្ចេកវិទ្យា អភិវឌ្ឍន៍ទៅលើ USB ដ៏ធំបំផុតមួយ ដែលនឹងធ្វើឡើងនៅក្នុងខែវិច្ឆិកាខាងមុខនេះ។

គួរជម្រាបផងដែរ សម្រាប់ USB 4 នេះ គេគ្រោងនឹងបញ្ចូលវាជាមួយនឹង USB-C ដែលវាមានសមត្ថភាពក្នុងការផ្ទេរទិន្នន័យ ក៏ដូចជាបញ្ចូលថ្ម លឿនជាង USB ចាស់ ដល់ទៅ ២ដងឯណោះ។ ដោយឡែក កាលពីខែមីនា ឆ្នាំ២០២២ កន្លងទៅនេះ សហភាពអឺរ៉ុប និងសមាជិកសភាសហភាពអឺរ៉ុប ហៅកាត់ថា (EU) បានធ្វើការសម្រេចចេញច្បាប់ថ្មី ឱ្យក្រុមហ៊ុនផលិតគ្រឿងអេឡិចត្រូនិច ដូចជាទូរស័ព្ទ កាមេរ៉ា និងថេបប្លិតជាដើម ត្រូវតែប្ដូរមកប្រើរន្ធសាកថ្ម USB-C ទាំងអស់គ្នានៅត្រឹមឆ្នាំ២០២៤ ទើបអាចនាំចូលទូរស័ព្ទទៅលក់នៅក្នុងប្រទេសអ៊ឺរ៉ុបចំនួន២៤បាន។

ការប្ដូរទៅប្រើ USB-C ទាំងអស់គឺជារឿងល្អមួយ ពីព្រោះវាបង្ករជាភាពងាយស្រួលដល់អ្នកប្រើពេញចេញទៅក្រៅមានឆ្នាំសាកតែមួយ ក៏អាចសាកជាមួយគ្នាបាន ហើយមួយវិញទៀត ការដែល USB-C ភ្ជាប់ជាមួយបច្ចេកវិទ្យាថ្មី USB4 ទៀតនោះនឹងជួយឱ្យអនាគតក្នុងការបញ្ចូលថ្ម និងការផ្ទេរទិន្នន័យផ្សេងៗ បានកាន់តែឆាប់រហ័សនិងងាយស្រួល។ ហើយប្រទេសអ៊ឺរ៉ុបទាំង ២៤ គឺជាចំណុចចាប់ផ្ដើមនៃការប្រើ USB-C សុទ្ធមុនគេ ហើយទំនោរនៃការប្រើ USB-C នេះគេសង្ឃឹមថានឹងត្រូវបានអនុវត្តន៍នៅលើទូរសព្ទដៃគ្រប់បណ្ដាប្រទេទាំងអស់ទូទាំងសាកលលោក៕