ប្រភពដដែលបានបន្ដថា មូលហេតុដែល  EU កំណត់ច្បាប់ឱ្យក្រុមហ៊ុនផលិតទូរស័ព្ទទូទាំងពិភពលោក ងាកមកប្រើ USB-C ដូច្នេះ គឺដោយសារតែចង់ជួយកាត់បន្ថយការចំណាយដល់អ្នកប្រើប្រាស់ និងមិនចាំបាច់មានខ្សែសាកច្រើនរញ៉េរញ៉ៃ កាន់តែ USB-C មួយសាកបានគ្រប់ឧបរកណ៍ទាំងអស់។ មូលហេតុមួយផ្សេងទៀត គឺដើម្បីកាត់បន្ថយការប្រើប្រាស់ធនធានធម្មជាតិ និងជាពិសេសគឺកាត់បន្ថយសំរាមអេឡិចត្រូនិចដែលកើតចេញពីខ្សែសាក ខណៈសំរាមទាំងអស់នោះ បង្កឱ្យ​កើតមានធាតុវិទ្យុសកម្ម និងបំពុលបរិស្ថាន។

គួរជម្រាបផងដែរថា សម្រាប់ច្បាប់នេះ តម្រូវឱ្យក្រុមហ៊ុនផលិតទូរស័ព្ទទាំងអស់ អនុវត្តន៍ឱ្យបានត្រឹមឆ្នាំ២០២៤ខាងមុខនេះ ទើបអាចលក់់ទូរស័ព្ទសេរីរបស់ខ្លួនចូលទៅក្នុងប្រទេសអឺរ៉ុបទាំង២៤បាន។

យ៉ាងណាមិញ ថ្វីត្បិតតែច្បាប់នេះ តម្រូវឱ្យអនុវត្តន៍នៅតែក្នុងប្រទេសអឺរ៉ុបក៏ពិតមែន ប៉ុន្ដែដោយសារតែទូរស័ព្ទសេរីក្រោយៗ របស់ក្រុមហ៊ុនផលិតទូរស័ព្ទទាំងអស់លើលោក សុទ្ធតែបំពាក់ដោយរន្ធសាកថ្ម USB-C ហេតុនេះ វាក៏មានឱកាសដូចគ្នាដែលថា ទូរស័ព្ទសេរីក្រោយដែលចែកចាយមកលក់ដូចជានៅប្រទេសអាស៊ីក៏មានភ្ជាប់មកជាមួយនូវរន្ធសាកថ្ម USB-C ដូចគ្នាដែរ៕