មែនទែនរឿងក្ដីនេះកើតឡើងតាំងពីឆ្នាំ ២០២០ មកម្លេះ ដោយលោក Tom Katis ដែលជាអតីតយុទ្ធជនអាមេរិកាំងមួយរូបបានអភិវឌ្ឍបច្ចេកវិទ្យាទំនាក់ទំនងមួយបែបស្រដៀងទៅនឹងបច្ចេកវិទ្យាអាកូមដែរនោះហើយបានបញ្ចេញ App មួយឈ្មោះថា Voxer នៅឆ្នាំ ២០១១។

ក្រោយបញ្ចេញ App បានមួយឆ្នាំខាងភាគីដើមបណ្ដឹងអះអាងថា តំណាងខាងក្រុមហ៊ុន Facebook បានទាក់ទងជាមួយគាត់ ក្នុងគោលបំណងសហការ ប៉ុន្តែមិនបានចេញជាកិច្ចសហប្រតិបត្តិការណាមួយជាផ្លូវការឡើយ។

ហើយមួយរយៈក្រោយមក Voxer អះអាងថាក្រុមហ៊ុន Facebook ឬ Meta បានប្រើប្រាស់បច្ចេកវិទ្យាក្នុងប៉ាតង់របស់ខ្លួនប្រើប្រាស់នៅក្នុងកម្មវិធី Facebook Live និង Instagram Live ជាដើម។

យ៉ាងណាខាង Meta មិនយល់ស្របនឹងការសម្រេចរបស់តុលាការរដ្ឋ Texas នោះទេ ដោយត្រៀមរៀបចំបែបបទប្ដឹងបន្តដោយខ្លួនយល់ឃើញថា មិនបានប៉ះពាល់ប៉ាតង់របស់ក្រុមហ៊ុន Voxer នោះទេ៕