បើនិយាយពី Legion គឺជាខ្សែស្រឡាយផលិតផលប្រភេទ Gaming របស់ Lenovo មួយប្រភេទមានទាំងកុំព្យូទ័រនិងទូរស័ព្ទហើយថ្មីៗនេះបើតាមការចុះផ្សាយរបស់ GSMARENA បានបង្ហាញថា Lenovo បានបញ្ចេញកំពូលទូរស័ព្ទ Lenovo Legion Y90 អាចលេងហ្គេមបាន8ម៉ោងដោយគ្មានបញ្ហា។
ខ្សែស្រឡាយស្មាតហ្វូនប្រភេទ Gaming Lenovo Legion Y90 មួយនេះបានបំពាក់មកជាមួយនឹងឈីប Snapdragon 8 Gen 1 ដោយមានជម្រើស RAM 12GB 16GB និង 18GB លើសពីនេះទៅទៀត Y90 មាន Storage 256GB តែបើម៉ូឌែលខ្ពស់ជាងគេ គឺបែងចែក Storage ជា2គឺ 512GB UFS + 128GB ជាប្រភេទ SSD ។
បើក្រឡេកទៅមើលរូបរាងវិញ Y90 មានអេក្រង់ប្រភេទ AMOLED ទំហំ 6.92អ៊ីញ ហើយមានកម្រិតបង្ហាញរហូតដល់ទៅ 1080 X 2460 pixel មិនតែប៉ុណ្ណោះវាមានកម្រិតពន្លឺដល់ 1300 nits ឯណោះជាមួយនឹង Refresh Rate 144 Hz ដែលអាចលេងហ្គេមបានយ៉ាងរលូន។
ដោយសារវាជាប្រភេទ Gaming ដូច្នេះ Lenovo បានរចនាដោយបំពាក់មកជាមួយនឹង ប៊ូតុងបញ្ជា2នៅចំហៀងនិង Speaker 2 ផងដែប្រភេទ Dolby Atmos។ លើសពីនេះទៅទៀតកាមេរ៉ាក៏មិនអន់ដែរពោលគឺមានទំហំ 64MP ជា Main Camera និង 13MP ជាប្រភេទលែនទូលាយ Ulta-Wide។
ចំណុចពិសេសមួយទៀតគឺ Lenovo Legion Y90 មានទំហំថ្មរហូតដល់ទៅ 5600 mAh ដែលអាចលេងហ្គេមបានដល់ទៅ8ម៉ោង និងអាច Stream Video បានដល់ 13ម៉ោងឯណោះ ដោយធ្វើការបញ្ចូលថ្មតែកន្លះម៉ោងពេញ100%។
អត្ថបទដោយ៖ រិន មករា
