ជាក់ស្ដែង កាលពីថ្ងៃទី ២៤ ខែមករា ឆ្នាំ២០២៣ កន្លងទៅថ្មីៗនេះ លោក Elon Musk បានសម្រេចធ្វើការវិនិយោគលុយបន្ថែម ៣​.៦ពាន់លានដុល្លារ ក្នុងការពង្រីករោងចក្រផលិតថ្ម និងរថយន្ដអគ្គិសនីរបស់ខ្លួន នៅក្នុងរដ្ឋណេវ៉ាដា (Navada) សហរដ្ឋអាមេរិក ដើម្បីពង្រីកទំហំផលិតកម្មរថយន្ដរបស់ខ្លួន។ នេះបើតាមការចុះផ្សាយរបស់គេហទំព័រផ្លូវការណ៍របស់ក្រុមហ៊ុន Tesla។

ប្រភពដដែលបា​នឱ្យដឹងទៀតថា​ ចាប់តាំងពីឆ្នាំ២០១៤មក ក្រុមហ៊ុន Tesla ធ្លាប់បានធ្វើការវិនិយោគទៅលើរោងចក្រផលិតរថយន្ដ GigaFacrorty នេះ អាចជាង ៦.២ពាន់លានដុល្លាររួចមកហើយ។ ដោយរោងចក្រមួយនេះ អាចជួយបង្កើតការងារដល់ប្រជាជនក្នុងតំបន់រហូតដល់ទៅ ១៧,០០០នាក់។

គួរជម្រាបផងដែរថា សម្រាប់ការវិនិយោគបន្ថែម ៣.៦ពាន់លានដុល្លារនេះ គេប៉ាន់ប្រមាណថា នឹងបង្កើតការងារបន្ថែម ៣០០០កន្លែអ ក៏ដូចជាអាចផលិតរថយន្ដបាន ៥០០០០០គ្រឿងក្នុងមួយឆ្នាំ សម្រាប់ផ្គត់ផ្គង់ទៅកាន់ទីផ្សារ៕