ជាក់ស្ដែង កាលដោយកាលពីពេលថ្មីៗនេះ លោក Elon Musk បានបង្ហោះនៅលើគណនី Twitter ផ្លូវការណ៍របស់លោកថា លោកបានប្រើយុទ្ធសាស្រ្ដតមអាហារ ឬភាសាអង់គ្លេសហៅថា (Fasting) យ៉ាងទៀតទាត់ ហើយបច្ចុប្បន្ននេះ លោកបានស្រកទម្ងន់ ២០ផោន ឬស្មើនឹងប្រមាណ ៩គីឡូ ហើយលោកថា លោកមានអារម្មណ៍ថាសុខភាពរបស់ខ្លួនល្អប្រសើរជាងមុ​ន។ ដោយការតមអាហារនេះ លោក Elon Musk បានប្រើ App មួយដែលមានឈ្មោះថា Zero Fasting ជាជំនួយ។

«តាមរយៈដំបូន្មានរបស់មិត្តភក្ដិល្អម្នាក់ ខ្ញុំបានធ្វើការតមអាហារយ៉ាងទៀតទាត់ ហើយខ្ញុំមានអារម្មណ៍ថាសុខភាពរបស់ខ្ញុំល្អជាងមុន»។

គួរជម្រាបផងដែរថា​ Fasting គឺជាវិធីសាស្រ្ដថែទាំសុខភាពមួយបែប ដែលប្រាប់ថាពេលណាអ្នកគួរញ៉ាំ និងពេលណាអ្នកមិនគួរញ៉ាំ ដើម្បីយកខ្លាញ់ចាស់ៗ នៅក្នុងរាងកាយមកប្រើប្រាស់ធ្វើជាថមពល។ ហើយទម្រង់នៃការធ្វើ  Fasting ដែលពេញនិយមជាងគេ គឺ១៦/៨ មានន័យថា​ តមអាហារ១៦ម៉ោង និងអាចញ៉ាំអាហារបាន រយៈពេល៨ម៉ោង ហើយសម្រាប់អាហារដែលត្រូវញ៉ាំនោះទៀតសោត គឺជាអាហារល្អៗ ដែលជួយទៅដល់សុខភាពរាងការយច្រើន៕