សម្រាប់ការលក់ទូរសព្ទដោយមិនបានឱ្យនូវដុំសាកថ្ម គឺខាងក្រុមហ៊ុន Apple បានលើកហេតុផលថា​ ចង់ជួយដល់បរិស្ថាន តាមរយៈការជួយកាត់បន្ថយសំរាមអេឡិចត្រូនិច។ ប៉ុន្ដែយ៉ាងណាក៏ដោយ អ្វីដែលអ្នកប្រើប្រាស់រអ៊ូរទាំនោះ គឺនៅទីបំផុត អ្នកប្រើនៅតែត្រូវទៅទិញដុំសាកថ្មដដែល។

គួរជម្រាបផងដែរថា សម្រាប់ពាក្យបណ្ដឹងខាងលើត្រូវបានធ្វើឡើងដោយ សមាគមន៍សមាគមអ្នកខ្ចី អ្នកប្រើប្រាស់ និងអ្នកបង់ពន្ធប្រេស៊ីល (AMBCC)។ ហើយកាលពីពេលកន្លងមក រដ្ឋាភិបាលប្រេស៊ីលធ្លាប់ពិន័យក្រុមហ៊ុន Apple ២.៣៨លានដុល្លារម្ដងរួងហើយ។ ប្រសិនបើក្រុមហ៊ុន Apple នៅបន្ដលក់ទូរសព្ទអត់ដុំសាកថ្មទៀត នោះក្រុមហ៊ុន Apple នឹងមិនអាចលក់ទូរសព្ទរបស់ខ្លួនទៅកាន់ប្រទេសប្រេស៊ីល ដែលជាទីផ្សារមានប្រជាជនជាង ២១២លាននាក់បាននោះទេ។ ហើយយើងរង់ចាំមើលបន្ដថា​ តើក្រុមហ៊ុន​ Apple នឹងដោះស្រាយបញ្ហាមួយនេះដោយរបៀបណា៕