ប្រភពដដែលបានឱ្យដឹងទៀតថា ក្រោយទទួលបានដំណឹងនេះ Apple បានធ្វើការតវ៉ា និងបានលើកហេតុផលថា ការដែរខ្លួនដកមិនឱ្យមានឆ្នាំសាកភ្ជាប់មកនៅក្នុងប្រអប់ គឺដើម្បីរួមចំណែកជួយដល់បិរស្ថាន ខណៈការដកដុំសាកពី iPhone អាចជួយកាត់បន្ថយសាធាតុកាបូនបំពុលបរិស្ថានដល់ទៅ២លានតោន។។

យ៉ាងណាមិញ ទោះបីជា Apple បានដាក់ពាក្យតវ៉ាយ៉ាងណាក្ដី ប៉ុន្ដែ Brazil នៅតែបន្ដគោលជំហរ ឱ្យ Apple ដាក់ឆ្នាំសាកភ្ជាប់ជាមួយទូរសព្ទដដែល បើពុំដូច្នេះទេ Apple និងមិនអាចលក់ទូរសព្ទ iPhone ក្នុងទីផ្សារប្រទេសប្រេស៊ីលដែលមានប្រជាជនជាង ២០០លាននាក់។

គួរជម្រាបផងដងដែរថា ប្រសិនបើ Apple ត្រូវបានដកមិនឱ្យលក់ទូរសព្ទ iPhone នៅក្នុងប្រទេសប្រេស៊ីលពិតមែន នោះ Apple នឹងបាត់ចំណែកទីផ្សារធំ ខណៈបច្ចុប្បន្នប្រជាជននៅក្នុងប្រទេសប្រេស៊ីលមានរហូតដល់ទៅជាង ១១៦លាននាក់។ យ៉ាងណាមិញ យើងនឹងរង់ចាំមើលបន្ដទៀតថា តើក្រុមហ៊ុន Apple នឹងដោះស្រាយបញ្ហាមួយនេះដោយរបៀបណា ស្របពេលដែលរដ្ឋាភិបាលប្រេស៊ីលមិនយល់ស្របជាមួយនឹងហេតុផលដកឆ្នាំសាកដោយសារចង់រួមចំណែកជួយបរិស្ថានរបស់ Apple។

យ៉ាងណាមិញ សម្រាប់មិត្តអ្នកអានវិញយល់ឃើញយ៉ាងណាដែរ? តើគិតថា ការដកឆ្នាំសាកចេញរបស់ Apple នឹងជួយដល់បរិស្ថានឬយ៉ាងណា? ហើយតើគិតថា Apple នឹងដាក់ឆ្នាំសាកមកវិញសម្រាប់ iPhone លក់ទៅកាន់ប្រទេសប្រេស៊ីលដែរទេ? ហេតុអ្វី?