កាលពីខែមីនាកន្លងទៅអង្គការ NASA មានបេសកកម្មមួយឈ្មោះថា Artemis I ដែលអនុញ្ញាតឱ្យមនុស្សជុំវិញពិភពលោកចុះឈ្មោះដើម្បីបញ្ជូនទៅលេងនៅថានព្រះច័ន្ទ ហើយថ្មីៗនេះ NASA បានសហការជាមួយនឹងភ្នាក់ងារអាវកាសអឺរ៉ុប ESA និង Shaun the Sheep ដើម្បីបញ្ចូឆ្ពោះទៅភព្រះច័ន្ទ នេះយើងយោងតាមការចុះផ្សាយរបស់ BBC ។
តុក្តាចៀមដែលជាតួអង្គក្នុងរឿងប្រភេទ Stop-Motion Shaun the Sheep នេះនឹងធ្វើទៅលើអាកាសជាមួយនឹងបេសកកម្ម Artemis I Mission របស់ NASA ក្នុងនោះផងដែរគេនឹងបញ្ជូនតុក្តាចៀមនេះចេញពីផែនដីក្នុងរយៈចំងាយប្រហែល 500,000គីឡូមែត្រ ។
ចំពោះដំណើរការនៃការហោះនេះគឺគេនឹងធ្វើឡើងនៅរដ្ឋ Florida សហរដ្ឋអាមេរិក ដែលនឹងចាប់ផ្តើមនៅថ្ងៃទី29 ខែសីហាឆាប់ៗខាងមុខនេះហើយ។ លើសពីនេះទៅទៀតតុក្តាចៀមនេះគឺជារបស់ដំបូងក្នុងប្រវត្តិសាស្រ្តហើយដែលគេបានសហការគ្នាបញ្ជូនវាឡើងទៅលេងនៅភពព្រះច័ន្ទ។
អត្ថបទដោយ៖ រិន មករា
