មិនងាយមានទេ NASA បើកដៃឱ្យអ្នកទាំងអស់គ្នាអាចដាក់ឈ្មោះដើម្បីបញ្ជូនឡើងទៅលើឋានព្រះច័ន្ទដោយមិនគិតថ្លៃជាមួយនឹងបេសកកម្ម Artemis I ដែលនឹងធ្វើការហោះទៅលើឋានព្រះច័ន្ទនាពេលឆាប់ៗខាងមុខនេះ។
ហើយសម្រាប់ឈ្មោះនេះផងដែរ NASA នឹងធ្វើការរក្សាទុកវាក្នុង Flash Drive ដែលវានឹងហោះទៅជាមួយ Artemis I ។ លើសពីនេះទៅទៀត Artemis I គឺជារ៉ូកែតទីមួយដែលនឹងហោះទៅលើឋានព្រះច័ន្ទដោយមិនប្រើប្រាស់បាញ់បង្ហោះរបស់យានអាវកាស Orion នោះទេ។
NASA ក៏បានបញ្ជាក់ផងដែរថា បេសកកម្មនេះនឹងបង្ហាញពីការប្តេជ្ញាចិត្តក៏ដូជាពង្រីកវិសាលភាពនៃការរស់នៅរបស់មនុស្សនៅលើភពព្រះច័ន្ទ។ ហើយ Artemis I និងក្លាយជាបេសកកម្មដំបូងគេបង្អស់ដែលនឹងបង្កើតវត្តមានរបស់មនុស្សរយៈពេលវែងលើភពព្រះច័ន្ទ។
ដើម្បីបញ្ជូនឈ្មោះអ្នកទៅបាន គ្រាន់តែធ្វើតាមការណែនាំខាងក្រោម៖
- ចូលទៅកាន់វេបសាយផ្លូវការរបស់ NASA
- បន្ទាប់មកទៀតវាយឈ្មោះរបស់អ្នកចូល
- ហើយបង្កើតលេខសំងាត់មួយចាប់ពី4-7ខ្ទង់
- រួចធ្វើការទាញយកលិខិតបញ្ជាក់មួយពី NASA
- គូសបញ្ជាក់ផងដែរថាអ្នកត្រូវចាំលេខកូដនោះដើម្បី Login ចូលពេលក្រោយទៀត
អត្ថបទដោយ៖ រិន មករា
