ព្រឹត្តិការណ៍នេះបានប្រមូលផ្តុំអ្នកជំនាញអាជីវកម្ម និងក្រុមការងារផ្នែកបច្ចេកទេស ដើម្បីផ្តល់ចំណេះដឹងអំពី Dell PowerVault ME5 ដែលត្រូវបានគេស្គាល់ថាជាដំណោះស្រាយក្នុងការផ្ទុកទិន្នន័យដែលមានប្រសិទ្ធភាពខ្ពស់ និងសុវត្ថិភាពសម្រាប់អាជីវកម្មគ្រប់ទំហំ។

លោក ប៊ុន ចាន់ឈីម នាយកប្រតិបត្តិរបស់ Cyber Grow Solution បានថ្លែងសុន្ទរកថាបើក ដោយលើកឡើងពីសេចក្តីរីករាយក្នុងការធ្វើសហការជាមួយ ECI Distribution លោកបានបញ្ជាក់ថា ការរួមកិច្ចសហការនេះគឺជាជំហានសំខាន់ដើម្បីជំរុញដល់ការផ្តល់ដំណោះស្រាយបច្ចេកវិទ្យាដ៏មានតម្លៃសម្រាប់អាជីវកម្មក្នុងស្រុក។ 

បន្ទាប់មក លោក ញ៉េប ចន្ថា អ្នកគ្រប់គ្រងទូទៅនៃ ECI Distribution  ដែលជាក្រុមហ៊ុនចែកចាយផ្តាច់មុខនៃផលិតផល Dell នៅក្នុងប្រទេសកម្ពុជា បានបង្ហាញពីការសាទរចំពោះក្រុមការងារ Cyber Grow Solution ដែលមានភាពសហការល្អក្នុងការផ្តល់សេវាកម្ម និងការគាំទ្រដល់ដំណោះស្រាយបច្ចេកវិទ្យាដ៏សំខាន់ ជាពិសេសសម្រាប់ការនាំមកនូវដំណោះស្រាយថ្មីរបស់ Delll គឺ Dell PowerVault ME5 នេះ។

ក្នុងបទបង្ហាញអំពី Dell PowerVault ME5 លោក ម៉េន ប្រាំង ដែលជា Deputy Presale Manager បានបង្ហាញនូវអត្ថប្រយោជន៍សំខាន់ៗដូចខាងក្រោម៖

1. សមត្ថភាពផ្ទុកទិន្នន័យខ្ពស់: Dell PowerVault ME5 មានសមត្ថភាពក្នុងការផ្ទុកទិន្នន័យដ៏ធំធេង ជាពិសេសសម្រាប់អាជីវកម្មដែលត្រូវការប្រព័ន្ធផ្ទុកទិន្នន័យដែលអាចទុកចិត្តបាន។

2. សេវាកម្មដែលមានតម្លៃសមរម្យ: ដំណោះស្រាយនេះត្រូវបានរចនាឡើងសម្រាប់អាជីវកម្មដែលត្រូវការសមភាពចំណាយ និងប្រសិទ្ធភាពប្រតិបត្តិការ។

3. ប្រសិទ្ធភាពក្នុងការគ្រប់គ្រងទិន្នន័យ: PowerVault ME5 មានសមត្ថភាពអភិវឌ្ឍផ្នែកសន្តិសុខ និងប្រសិទ្ធភាពក្នុងការប្រើប្រាស់ទិន្នន័យរបស់អាជីវកម្ម ដោយមានបច្ចេកវិទ្យាស៊េរីថ្មីដែលអាចគ្រប់គ្រងដោយងាយស្រួល។

4. ស្ថិរភាព និងគុណភាពប្រតិបត្តិការ: វាត្រូវបានរចនាឡើងដើម្បីធានាការងារស្ថិរភាពជាបន្តបន្ទាប់ ដោយបម្រើសេវាកម្មស្តង់ដារដែលអាចបំពេញតាមតម្រូវការរបស់អាជីវកម្ម។

ក្រោយពេលបង្ហាញ មានការសំណួរនិងចម្លើយ (Q&A) ដែលអ្នកចូលរួមបានលើកឡើងចំពោះការប្រើប្រាស់ Dell PowerVault ME5 ក្នុងការដោះស្រាយបញ្ហាទិន្នន័យ និងការប្រើប្រាស់ធនធានឱ្យកាន់តែប្រសើរ ព្រមទាំងមានការផ្ដល់ជារង្វាន់អនុស្សាវរីយ៍ជូនផងដែរ។