ដោយយោងទៅតាមការចុះផ្សាយរបស់​សារព័ត៌មានកូរ៉េ​ The Elec បានបង្ហាញថា ក្រុមហ៊ុន Samsung មានគម្រោងផលិត Galaxy S22 FE នេះរហូតដល់ 3លានគ្រឿងឯណោះក្នុងឆ្នាំនេះ ប៉ុន្តែដោយសារតែបញ្ហាកង្វះខាតឈីបសម្រាប់ផ្គត់ផ្គង់ក៏ដូចជា​ កំណើននៃការលក់ S22 Ultra នៅតែបន្តកើនឡើង​ ដូច្នេះគម្រោងផលិត Galaxy S22 FE គឺត្រូវបានលុបហើយឈីបដែលត្រៀមសម្រាប់ Galaxy S22 FE នឹងត្រូវបែងចែកឱ្យទៅ Galaxy S22 Ultra ដើម្បីផលិតបន្ត។

ប្រភពដដែលក៏បានបន្តថា ក្នុងរយៈពេល1ឆ្នាំកន្លះដំបូង ក្រុមហ៊ុន​ Samsung បាននាំចេញ Galaxy S22 Ultra ទៅកាន់ទីផ្សារបានរហូតដល់ 10លានគ្រឿងឯណោះ ហើយគេរំពឹង​ថា​វានឹងអាចលើស​ពីចំនួន10លាននេះទៅទៀតក្នុងពេលខាងមុខ។

គួរជម្រាប់ផងដែរថា បើទោះបីជា​ Galaxy S22 FE មិនបានផលិតក្នុងឆ្នាំនេះក៏ដោយ​ ប៉ុន្តែ Samsung មានគម្រោងថានឹងផលិត Galaxy S23 FE ឱ្យបាន3លាននៅឆ្នាំក្រោយនេះហើយ។

អត្ថបទដោយ៖ រិន​ មករា