បើយោងទៅតាមការបកស្រាយរបស់ zdnet បានបង្ហាញពីហេតុផលមួយចំនួន​​ទាក់ទងជាមួយអ្នកប្រើ Case ការពារទូរស័ព្ទថា អ្នកបានដកលុយយ៉ាងច្រើនចេញពីហោប៉ៅទៅទិញទូរស័ព្ទថ្មីហើយមានរូបរាងស្អាតដូចការផ្សាយរបស់ក្រុមហ៊ុនគេទៀត ប៉ុន្តែអ្នកបែរទៅជាចាយលុយមួយចំនួនបន្ថែមពីលើទៀត ដើម្បីទិញ Case យកមកស្រោបពីលើទូរស័ព្ទទៅវិញ។

ក្នុងករណីនេះ ក៏មានសំណួរមួយលើកឡើងថា​​ តើអ្នកណាចង់ឱ្យទូរស័ព្ទដែលខ្លួនខំទិញឬទូរស័ព្ទដែលខ្លួនស្រលាញ់ប្រែរូបរាងទៅជាលែងស្អាត?​ តែផ្ទុយទៅវិញបើអ្នកងាកទៅមើលអ្នកគ្រប់គ្រងក្រុមហ៊ុន Apple បច្ចុប្បន្នក៏មិនដែលមាន Case នៅជាប់ទូរស័ព្ទរបស់គាត់ដែរ។

យ៉ាងណាមិញដើម្បីបញ្ជាក់ឱ្យកាន់តែច្បាស់ក្រុមហ៊ុន Apple បានបញ្ចេញវីដេអូផ្សព្វផ្សាយមួយ ដោយបានយក iPhone 13 ដាក់នៅលើកែងតុ​ដោយមិនដាក់ជាមួយនឹងស្រោមការពារនោះទេ​ ហើយធ្វើឱ្យវាធ្លាក់ដោយប្រើប្រាស់សំឡេងរំញ័រនៃការតេចូល ហើយពេលដែលធ្លាក់មក iPhone 13 គឺនៅញ័រក៏ដូចជាឮសំឡេងដដែល​។

គូសបញ្ជាក់ផងដែរថា iPhone 13 បានរុំព័ទ្ធទៅដោយស្រោមការពារប្រភេទ Ceramic ដែលវាមានភាពធនជាងកញ្ចក់ស្មាតហ្វូនដ៏ទៃទៀតឆ្ងាយណាស់​ ដូច្នេះសារដែល Apple ចង់បង្ហាញក្នុងវីដេអូនេះទៅកាន់អ្នកប្រើថា បើទោះជាទូរស័ព្ទតម្លៃថ្លៃរបស់អ្នកមិនដាក់ស្រោមការពារក៏មិនមានបញ្ហាអ្វីដែរជាមួយនឹងពាក្យមួយឃ្លាថា​ <<Relax, it’s iPhone>> ។

អត្ថបទដោយ៖ រិន មករា