1, Pause Recording

នៅលើ iOS 18 នេះអ្នកទាំងអស់គ្នាអាចប្រើប្រាស់មុខងារ ផ្អាកការថតវីដេអូ សិនបាន មានន័យថាយើងមិនចាំបាច់ត្រូវបិទវីដេអូដូចមុនទៀតទេ ដូច្នេះវាកាន់តែងាយស្រួលនៅលើពេលដែលយើងចង់ផ្អាកការថតសកម្មភាពណាមួយរួចបន្តជាមួយនឹងសកម្មភាពផ្សេងទៀត។

2, New Battery Charging

ទី២គឺទៅលើមុខងារថ្ម ដែលនៅក្នុងជំនាន់ថ្មីនេះយើងអាចធ្វើការកំណត់ទៅលើកម្រិតនៃកាសាកបានដែលហៅថា charging limit ពោលគឺវាអាចឲ្យយើងកំណត់ចាប់ពីចន្លោះ 80% ដល់ 100% មានន័យថា នៅពេលដែលយើងកំណត់វានៅត្រឹមចំនួនណាមួយនោះវានឹងធ្វើការបញ្ចូលថាមពលត្រឹមតែចំនួនកំណត់តែប៉ុណ្ណោះ ដូច្នេះវាអាចជួយរក្សាគុណភាពថ្មបានយូរ។

លើសពីនេះទៅសម្រាប់សុខភាពថ្ម​ Battery Health វិញ ក៏គេបានបន្ថែមមកជាមួយនឹងមុខងារ Cycle Count ផងដែរ ដោយមុខងារនេះវាផ្តល់ភាពស្រួលក្នុងការតាមដានសុខភាពថ្ម ដែលវានឹងបញ្ជាក់ថាទូរស័ព្ទយើងបានសាកច្រើនឬតិច។

3, Hide Distraction Items

ទី៣គឺជាមុខងារមួយដែលអាចជួយទៅដល់អ្នកប្រើប្រាស់ច្រើន ដោយមុខងារនេះអាចឲ្យយើងធ្វើការបិទរាល់ពាណិជ្ជកម្ម ឬក៏អ្វីរំខានចិត្តរបស់យើងនៅពេលដែលមើលវានៅលើវេបសាយ អ្វីដែលកាន់តែពិសេសគឺវាបង្ហាញផ្ទាំង Animation ដូចជា Thanos Snap Effect អ៊ីចឹង។

អត្ថបទដោយ៖ រិន​ មករា