យោងទៅតាមអ្នកវិភាគល្បីឈ្មោះលោក​ Dan Ives បានធ្វើការថ្លែងនៅក្នុងវេទិការណ៍របស់ CNBC ថា Apple នឹងធ្វើការដើរទៅតាមយុទ្ធសាស្រ្តចាស់ ពោលគឺលោកក៏ធ្លាប់បានព្យាករណ៍កាលពីជំនាន់iPhone 14 ចេញដែរ​ ដែលកាលនោះគឺឡើងថ្លៃចន្លោះចាប់ពី $82 ដល់ $172។ លើសពីនេះទៅទៀតលោកបានបន្ថែមថា​ Apple នឹងធ្វើការដំឡើងថ្លៃទៅលើត្រកូល iPhone 15 Pro Model ជាជាងម៉ូដែលធម្មតា។

លោក Dan Ives បានបន្តថាសម្រាប់​ iPhone 15 Pro Model គឺអាចនឹងមានតម្លៃហក់ឡើងដល់​ $200 ក្នុងមួយដើម។​ បើនិយាយឲ្យងាយយល់ សម្រាប់តម្លៃ iPhone 14 Pro បច្ចុប្បន្នតម្លៃខ្ទង់ $1,00ខណៈ iPhone 14 Pro Max តម្លៃខ្ទង់ $1,100 ដូច្នេះមានន័យថា iPhone 15 Pro នឹងអាចឡើងថ្លៃល់$1,200 រីឯ iPhone 15 Ultra វិញនឹងឡើងថ្លៃដល់ $1,300 ក្នុងមួយដើម។

យ៉ាងណាមិញលោក​ Ives ជឿជាក់ថាក្រុមហ៊ុន Apple នឹងឡើងតម្លៃខ្លួនផងដែរ ដោយលោកបានព្យាករណ៍ថានឹងឡើងចាប់ពី 2.85ទ្រីលានដុល្លារ រហូតដល់ 3.5ទ្រីលានដុល្លារ ទៅ 4ទ្រីលានដុល្លារ ផងដែរ។

អត្ថបទដោយ៖ រិន មករា