ជាធម្មតាប្រសិនបើយើងជាអ្នកលក់ផលិតមិនថាតូចមិនថាធំគឺតែងតែចង់បានរូបភាពផលិតផលរបស់យើងស្អាត មានភាពទាក់ទាញ ប៉ុន្តែដើម្បីបានរូបភាពស្អាតៗនិងទាក់ទាញទាំងអស់នោះគឺវាឲ្យយើងត្រូវចេះបច្ចេកទេសមួយចំនួនដូចជា បច្ចេកទេសក្នុងការថត ការប្រើប្រាស់កាមេរ៉ា ការរៀប Props ការរៀបចំភ្លើងជាដើមទើបអាចផលិតរូបភាពមួយដែលស្អាតនិងមានភាពទាក់ទាញ។
ផ្ទុយទៅវិញប្រសិនបើអ្នកទាំងអស់គ្នាមិនសូវជំនាញក្នុងការប្រើប្រាស់កាមេរ៉ា មិនសូវជំនាញក្នុងការរៀបចំភ្លើងក៏មិនមែនជាបញ្ហាដែរ ព្រោះបច្ចុប្បន្ននេះគឺយើងអាចប្រើប្រាស់ AI Tool ឲ្យជួយបាន។ សម្រាប់ AI នោះឈ្មោះថា Flair ដែលវាមានតួនាទីក្នុងការបំប្លែងពីរូប ផលិតផល ធម្មតាទៅជារូបភាពមួយសន្លឹកដែលមានភាពទាក់ទាញ សឹងតែដូចរូបថតក្នុង Studio ដែរ។
របៀបប្រើប្រាស់
- ចូលទៅកាន់វេបសាយ Flair AI រួចភ្ជាប់ជាមួយនឹង Gmail
- ចូលទៅកាន់ Template រួចយក Create General Project
- បន្ទាប់មកយកមុខងារ Use Drag & Drop Canvas
- ជំហ៊ានបន្ទាប់ចូលទៅកាន់មុខងារ Product ដើម្បីដាក់រូបផលិតផលរបស់អ្នកចូល
- បន្ទាប់ពីដាក់រូបភាពផលិតផលហើយ យើងអាចចូលទៅកាន់មុខងារ Props ដើម្បីរើសគ្រឿងតុបតែងផ្សេងៗបន្ថែម
- បន្ទាប់ពីរៀបចំរួចរាល់យើងអាចូលទៅកាន់មុខងារ Generate ដើម្បីឲ្យវាបំប្លែងទៅជា Poster ថ្មី
អត្ថបទដោយ៖ រិន មករា
