បងប្អូនដែលធ្វើការទាក់ទងជាមួយនឹងការធ្វើវីដេអូបែប 3D ការធ្វើ Animation ផ្សេងៗគឺប្រាកដជាត្រូវការជាមួយនឹងប្រភេទ 3D Object ដើម្បីងាយស្រួលធ្វើការ។ ដោយឡែកសម្រាប់ 3D Object ទាំងអស់នោះពេលខ្លះអាចនឹងពិបាកក្នុងការបង្កើត លើសពីនេះទៅទៀតក៏វាមិនសូវមានគេ Free ច្រើនដែរ។
ប៉ុន្តែទោះបីជាយ៉ាងណាក៏ដោយប្រសិនបើអ្នកទាំងអស់គ្នាចង់បាន resources ទាំងអស់នោះយកមកប្រើដោយ Free គឺអាចចូលទៅកាន់វេបសាយមួយឈ្មោះថា Sketchfab បាន។ សម្រាប់វេបសាយនេះគឺអនុញ្ញាតឲ្យអ្នកទាងអស់គ្នាទាញយក 3D Object ជាច្រើនប្រភេទផ្សេងៗគ្នាទៅតាមចំណង់ចំណូលចិត្ត ហើយអ្វីដែលកាន់ពិសេសគឺយើងអាចជ្រើសរើសប្រភេទ File បានទៀត។
ដើម្បីអាចប្រើប្រាស់បានយើងគ្រាន់តែចូលទៅកាន់វេបសាយ Sketchfab រួចធ្វើការភ្ជាប់ Email បន្ទាប់មកធ្វើការជ្រើសរើស 3D Object ទៅតាមប្រភេទដែលយើងចង់បាន ដែលយើងអាចរើសតាម Categories ក៏បាន អាចរើសតាមរយៈការ Search ក៏បាន។
ប្រសិនបើពេញចិត្តលើ 3D Object ណាមួយហើយ យើងអាចុចលើវាបន្ទាប់មកចុចលើគ្រីសលើមុខងារ Downloadable ទើបយើងអាចទាញយកមកប្រើប្រាស់បាន ហើយក្នុងកំឡុងពេលទាញគឺយើងអាចជ្រើសប្រភេទ File ដែលតម្រូវទៅតាម Software ប្រើប្រាស់របស់យើងបាន។
អត្ថបទដោយ៖ រិន មករា
