ជាក់ស្តែងបច្ចុប្បន្ននេះ Google បានធ្វើការអភិវឌ្ឍបច្ចេកវិទ្យា AI ឲ្យកាន់តែរីកចម្រើននិងកាន់តែមានប្រសិទ្ធភាព តួយ៉ាងដូចជា AI Tool មួយឈ្មោះថា Image Fx ដែលអនុញ្ញាតឲ្យអ្នកទាំងអស់គ្នាធ្វើការបង្កើតរូបភាពបានស្អាតៗ សឹងតែដូចពិតៗតែម្តងហើយអ្វីដែលសំខាន់គឺយើងអាចប្រើវាបានដោយ Free តែម្តង។

របៀបប្រើ

• ចូលទៅកាន់វេបសាយ Google Lab FX 
• បន្ទាប់មកចូលទៅកាន់មុខងារមួយឈ្មោះថា ImageFX
• ហើយធ្វើការបញ្ចូល Prompt នៅផ្នែកខាងឆ្វេង ហើយសម្រាប់ការបញ្ចូល Prompt ក៏វាផ្តល់ជាជម្រើសដល់យើងក្នុងការជ្រើសរើសថែមទៀតផង
• នៅផ្នែកខាងក្រោមយើងអាចកំណត់ទៅលើ ទំហំរូបភាពបានថាចង់បានទំហំមួយណា
• បន្ទាប់មកចុចលើពាក្យ Create វានឹងធ្វើការបង្កើតឲ្យយើងតែម្តង

ដូច្នេះសម្រាប់រូបភាពដែល AI Tool មួយនេះអាចផលិតបានគឺហាក់បីដូចជារូបពិតៗតែម្តងជាពិសេសរូបបែបអាស៊ី វាធ្វើបានល្អទៅលើចំណុចតូចៗ​សំខាន់ៗ ក៏ដូចជាព័ណ៌ផងដែរ ហើយអ្វីដែលកាន់តែពិសេសនោះគឺយើងអាចបង្កើតរូបភាពស្អាតៗបែបដោយ Free តែម្តងមិនត្រូវការចាយលុយទិញ Credit អីនោះទេ។

គូសបញ្ជាក់ផងដែរថាសម្រាប់ Google Lab FX នេះគឺនៅមាន Tools ផ្សេងៗជាច្រើនទៀតដូចការបង្កើតចម្រៀង​​ បង្កើតវីដេអូ ជាដើមដូច្នេះអ្នកអាចចូលទៅសាកល្បងប្រើប្រាស់បាន។

អត្ថបទដោយ៖ រិន មករា