រ៉ូបូតមួយនេះគឺជារបស់ក្រុមហ៊ុន Roborock វាឈ្មោះថា Saro Z70 ហើយដៃរបស់វាគឺអាចបង្វិលបាន លើក ចុះឡើងបានមានដង្គៀបមួយនៅខាងចុងសម្រាប់ចាប់សម្រាម ហើយនៅពេលដែលគេបណ្តុះដៃមកបែបនេះគឺវាស្រួលក្នុងការសម្អាត ព្រោះថារ៉ូបូតមុនៗ តួនាទីវាគ្រាន់សម្អាត​ដី​ កម្ទេចតូចៗ ប៉ុន្តែបើឃើញសម្រាមធំៗវានឹងបើកគេចចេញតែម្តង។ 

 ដូច្នេះហើយសម្រាប់ Saro Z70 នេះវាមិនត្រឹមតែសម្អាតដីតែប៉ុណ្ណោះទេ នៅពេលដែលវារត់ទៅជួបសម្រាមធំៗ ដូចជា ស្រោមជើង ក្រដាស់ជូតមាត់ ឬក៏ Toy ក្មេងលេងជាដើម វានឹងប្រើដៃពន្លូតចេញមកដើម្បីចាប់យកទៅទុកម្តុំ រួចវាហើយបកមកសម្អាតក្លែងដែលរើសម្រាមនឹងវិញទៀតអត់រត់គេចទេ។

រ៉ូបូតនេះបំពាក់មកជាមួយជាមួយកាមេរ៉ា២គ្រាប់ ខាងក្រោមជាប់តួខ្លួនមួយគ្រាប់និងមួយគ្រាប់ទៀត គឺនៅជាប់នឹងដៃរបស់វា ផ្នែកខាងលើគេដាក់មកដើម្បីងាយស្រួលក្នុងការមើលប្លង់ក្នុងផ្ទះ ងាយស្រួលពេលដៃវាចាប់សម្រាមបានស្រណុកមើលធុងសម្រាមកុំឲ្យវង្វេងធុង។

ហើយដៃរបស់វា​ ពេលដែលចាប់សម្រាមហើយ វានឹងបត់ចូលនៅក្នុងខ្លួនរបស់វាធម្មតា ទាល់តែដើរជួបសម្រាមបានដកមកវិញ។កង់ខាងក្រោមរបស់វា មិនមែនត្រឹមតែអាចរត់នៅកន្លែងរាបៗទេ កន្លែងទួលក៏អាចរត់បានដែរដូចជាមាត់ទ្វាអីជាដើម។

ក្រៅពីនេះក៏វាមានមុខងារច្រើនទៀតសម្រាប់សម្អាតដែរ ដូចជាអំបោសសម្អាតនៅបាតក្រោមវាអាចជ្រលក់ទឹកក្តៅដោយខ្លួនឯងដើម្បីសម្អាតសម្លាប់មេរោគក្នុងផ្ទះ ហើយក៏មានខ្យល់សម្រាប់សម្ងួតដែរពេលដែលជូតហើយវាសាកថ្មលឿន 2.5h ពេញហើយ។​ រ៉ូបូតមួយនេះគេគ្រោងដាក់លក់នៅក្នុងខែមិថុនាខាងមុខ។

អត្ថបទដោយ៖ រិន មករា