ប្រភពដដែលបានឱ្យដឹងទៀតថា សម្រាប់ Tako ដែលជាមុខងារ AI Chatbot ថ្មីនៅលើ TikTok នេះ មានទីតាំងនៅផ្នែកខាងស្នាំដៃ ខាលើរូប Profile TikTok របស់អ្នកប្រើប្រាស់។ ហើយនៅពេលដែលចុចលើ​ Tako វានឹងបង្ហាញផ្ទាំងមួយទៀតដែលអនុញ្ញាតឱ្យអ្នកប្រើប្រាស់សួរ ឬស្វែងរកនូវអ្វីដែលពួកគេត្រូវការ។ ឧទារហណ៍ថា អ្នកចង់ដឹងពីរបៀបឆាបាយ អ្នកអាចប្រាប់ទៅកាន់ Tako ពេលនោះ Tako នឹងទៅជួយរកវីដេឆាបាយខ្លីៗ មើលងាយយល់ មកឱ្យអ្នកមើលភ្លាមៗ ដោយមិនចាំបាច់ឱ្យអ្នកប្រើទៅអូស TikTok អស់រាប់ម៉ោងដូចមុននោះឡើយ។

ជាមួយគ្នានេះដែរ បើតាមលោក Daniel Buchuk មកពីក្រុមហ៊ុន Watchful Technologies ដែលជាក្រុមហ៊នឃ្លាំមើលរបត់ថ្មីនៃការផ្លាស់ប្ដូរនៃបច្ចេកវិទ្យា App បានលើកឡើងថា ប្រសិនបើមុខងារ AI Chatbot «Tako» របស់ TikTok ដាក់ឱ្យប្រើប្រាស់ទូលំទូលាយ AI មួយនេះ អាចនឹងផ្លាស់ប្ដូររបៀប Search ស្វែងរកអ្វីមួយរបស់អ្នកប្រើប្រាស់អ៊ីនធឺណិតទូទាំងពិភពលោក។

គួរជម្រាបផងដែរថា បច្ចុប្បន្ននេះ TikTok កំពុងតែដាក់ «Tako» ដែលជាមុខងារ AI Chatbot ថ្មីរបស់ TikTok កំពុងតែដាក់ឱ្យប្រើប្រាស់សាកល្បងមុនគេនៅក្នុងប្រទេសហ្វីលីពីន ហើយប្រសិនបើមុខងារនេះដំណើរការល្អ ក្រុមហ៊ុន TikTok អាចនឹងធ្វើការដាក់ឱ្យប្រើប្រាស់កាន់តែទូលំទូលាយទៅកាន់បណ្ដាប្រទេសផ្សេងទៀតទូទាំងពិភពលោក៕