ថ្លែងនៅក្នុងបទសម្ភាសន៍ ជាមួយ Technology Cambodia លោក អ៊ឹង ប៉ហៃ ស្ថាបនិក​ SalaCyber បានឱ្យដឹងថា ក្រោយពីបញ្ចប់ការសិក្សាជំនាញផ្នែក IT ពីសាកលវិទ្យាល័យភូមិន្ទភ្នំពេញ នៅក្នុងឆ្នាំ២០១៥ លោកបានរកឃើញថា ខ្លួនលោកផ្ទាល់មានចំណូលចិត្តផ្នែកសុវត្ថិភាព​អ៊ិនធឺណិត​ (CyberSecurity) ក្រោយមកលោកក៏បានបន្ដសិក្សាស្រាវជ្រាវ និងបានចូលធ្វើការផ្នែក CyberSecurity ជាច្រើនផងដែរ។ លើសពីនេះទៅទៀត លោកក៏ធ្លាប់បានចូលរួមកម្មវិធីប្រគួតផ្នែក CyberSecurity តាំងពីក្នុងប្រទេស រហូតធ្លាយដល់ក្រៅប្រទេសលើឆាកអន្ដរជាតិជាបន្ដបន្ទាប់ថែមទៀតផង។

រហូតដល់ឆ្នាំ២០២១ ដោយមើលឃើញថា ដើម្បីរៀនជំនាញ CyberSecurity ត្រូវចំណាយលុយច្រើន ហើយសំបូរតែមេរៀនបរទេស ហើយបូករួមនឹងប្រទេសកម្ពុជារបស់យើងហាក់ខ្វះអ្នកជំនាញផ្នែកនេះដែរនោះ លោក អ៊ឹង ប៉ហៃ ក៏បានសម្រេចចិត្តធ្វើការបើកសាលា SalaCyber ឡើងដើម្បីបណ្ដុះជំនាញ CyberSecurity ដល់កូនខ្មែរ នៅក្នុងតម្លៃមួយដ៏សមរម្យមួយ ខណៈមេរៀនទាំងអស់ត្រូវបានរៀបចំយ៉ាងយកចិត្តទុកដាក់ ហើយគុណភាពមិនចាញ់បរទេសនោះទេ។

គួរជម្រាបផងដែរថា បច្ចុប្បន្ននេះ SalaCyber មានវគ្គបង្រៀនរហូតដល់ទៅ១៣ វគ្គឯណោះ តាំងពីវគ្គមូលដ្ឋាន រហូតដល់ជំនាញ​ ជុំវិញផ្នែក CyberSecurity។ ហើយអ្វីដែលពិសេសជាងនេះទៅទៀត SalaCyber ក៏កំពុងតែបើកវគ្គសិក្សាថ្មី ជាមួយនឹងតម្លៃសិក្សាពិសេស ហើយសម្រាប់សិស្សដែលចុះឈ្មោះចូលរៀននៅក្នុងវគ្គថ្មីនេះ នឹងទទួលបានអាវយឺត SalaCyber ដ៏ស្រស់ស្អាតមួយផងដែរ។ ប្រសិនបើចាប់អារម្មណ៍ចង់ចុះឈ្មោះចូលរៀន ឬប្រឹក្សាយោបល់ និងសួរព័ត៌មានបន្ថែម អាចទំនាក់ទំនងទៅកាន់លេខ ០86 211 536 ហ្វេសប៊ុកផេក SalaCyber ឬវេបសាយ https://salacyber.com/៕

អត្ថបទដោយ៖ Nava Siri