ប្រភពដដែលបានបន្តថា វិធីដែលក្រុមហែកឃឺបានប្រើគឺ ពួកគេបានបង្កើតលីងមួយដូចបេះបិទទៅនឹងវេបសាយផ្លូវការរបស់ Bored Ape Yacht Club ដែលជាហេតុធ្វើឲ្យអ្នកប្រើប្រាស់មួយចំនួនមានការភ័ន្តច្រឡំហើយបានវាយលេខសម្ងាត់របស់គាត់ចូលទៅក្នុងនោះធ្វើឲ្យក្រុមហែកឃឺអាចចូលធ្វើជាម្ចាស់រូប NFT នៅក្នុងគណនីរបស់អ្នកប្រើប្រាស់ដែលជាជនរងគ្រោះទាំងអស់នោះបាន។

ជាមួយគ្នានេះដែរ យោងតាមការបង្ហោះពីបណ្តាញសង្គម Twitter ផ្លូវការរបស់ Bored Ape Yacht Club កាលពីម្សិលមិញបាននិយាយថា បណ្តាញសង្គម Instagram របស់ខ្លូនត្រូវបានគេហែកដូច្នេះ ពួកគេ នឹងមិនផុសលក់រូបអ្វីទៀតទេរហូតដល់ គណនីស្រោចស្រង់បានមកវិញសិន។ មួយវិញទៀតពួកគេសុំឲ្យអ្នកប្រើប្រាស់កុំចុចលីងអ្វីផ្តេសផ្តាសនៅអំឡុងពេលកំពុងជួសជុសនេះ ប្រសិនបើអ្នកទិញមានរូបភាពណាមួយត្រូវបានហែក សូមទាក់ទងទៅកាន់ភ្នាក់ងាររបស់ពួកគេភ្លាម។

គួរបញ្ជាក់ថា បទល្មើសបច្ចេកវិទ្យាកំពុងតែកើតមានឡើងជាច្រើននៅលើប្រព័ន្ធអ៊ីនធឺណេតនានា ក្នុងពេលបច្ចុប្បន្ន ដូច្នេះសូមអ្នកទាំងអស់គ្នាប្រយ័ត្មខ្លួនឲ្យមែនទែន ពោលគឺមុនពេលដែល Log in ចូលគណនីណាមួយត្រូវពិនិត្យមើល ដូមេន និងមើលថា វេបសាយ ឬ ផ្លេតហ្វមនោះជាគណនីពិតប្រាកដសិនចាំ Log ចូល៕

អត្ថបទដោយ៖ អូន រ៉ាទី