ដោយនៅក្នុងសុទ្ទរកថានេះ លោក James Chen បានលើកឡើងថា «យើងបានមើលឃើញពីការរីកចម្រើនយ៉ាងឆាប់រហ័សនៃបច្ចេកវិទ្យា 5G ហើយដើម្បីអាចទាញយកប្រយោជណ៍យ៉ាងពេញលេញពី 5G យើងត្រូវការពន្លឿនការដាក់ពង្រាយពង្រីកសេវា 5G ដែលមានល្បឿនលឿនគ្រប់ហឺត (Hertz) និងគ្រប់វ៉ាត់អ៊ីនធឺណិត (watt)។ បន្ថែមពីនេះទៀត យើងអាចប្រើ 5G ដើម្បីជួយទៅដល់យីហោ ជួយខាងផ្នែកបច្ចេកវិទ្យា ដែលអាចផ្ដល់បទពិសោធន៍ល្អដល់អតិថិជន និងអ្នកដំណើរការអាជីវកម្ម ពោលគឺ 5G នឹងក្លាយជាបច្ចេកវិទ្យាចុងក្រោយ ដែលនឹងជួយឱ្យអាជីវកម្មមួយជោគជ័យ»។

លោក James Chen បានបន្ដទៀតថា 5G នឹងចូលមកជួយអភិវឌ្ឍន៍អាជីវកម្មគ្រប់ផ្នែកវិស័យទាំងអស់​ក្នុងរូបភាពជាច្រើន។ បើប្រៀបធៀបទៅនឹង 4G បណ្ដាញ 5G មានល្បឿនលឿនជាងរហូតដល់ទៅ ១០ដង។ ហើយអ្នកប្រើប្រាស់ 5G  នឹងត្រូវប្រើទិន្នន័យ (Data) លឿនច្រើនជាងជំនាន់ប្រើ 4G ផងដែរ ពោលគឺច្រើនជាង ២០ GB ក្នុងមួយខែ ហើយគេរំពឹងថាចំនួនទិន្នន័យ (Data) ផ្សេងៗ​ ដែលកើតចេញពីអ្នកប្រើនេះ នឹងកើនឡើងជាបន្ដបន្ទាប់ទៀតផងដែរ។

ទន្ទឹមនឹងនេះដែរ ការកើនឡើងទិន្នន័យតាមរយៈការងារទៅប្រើ 5G នេះ ក៏បានជួយបង្កើតឱកាសយ៉ាងធំធេង ជាពិសេសសម្រាប់ក្រុមហ៊ុនដែលរកស៊ីលើរឿង ៣នេះផងដែរ ទី១ គឺ ក្រុមហ៊ុន បទពិសោធន៍អ្នកប្រើប្រាស់ User Experience (UX) ទី២គឺក្រុមហ៊ុន IoT និងទី៣ គឺក្រុមហ៊ុនដែលរកស៊ីពាក់ព័ន្ធនឹងឌីជីថលនីយកម្មឧស្សាហកម្ម (Industrial Digitalization)។

យ៉ាងណាក៏ដោយ ទោះបីជា 5G មានល្បឿនលឿនជាង 4G ដល់ទៅដប់ដង និងអាចនាំមកនូវឱកាសជាច្រើនក៏ពិតមែន ប៉ុន្ដែបើតាមការលើកឡើងរបស់លោក James Chen អ្វីដែលជាបញ្ហា គឺបច្ចុប្បន្ននេះ​ 5G ទើបតែគ្របដណ្ដប់បាន ២៩% ប៉ុណ្ណោះទូទាំងពិភពលោក ខណៈ 4G គ្របដណ្ដប់បានរហូតដល់ទៅ ៩២%។ ហេតុនេះដើម្បីអាចទាញអត្ថបទប្រយោជន៍យ៉ាងពេញលេញពី 5G នោះ រឿងដែលយើងត្រូវធ្វើគឺគ្មានអ្វីក្រៅពី ពន្លឿនការដាក់ពង្រាយពង្រីកសេវា 5G ដែលមានល្បឿនលឿនគ្រប់ហឺត (Hertz) និងគ្រប់វ៉ាត់អ៊ីនធឺណិត (watt) ឱ្យគ្របដណ្ដប់ទូទាំងពិភពលោក​ ឱ្យប្រជាជនទូទាំងពិភពលោកបានប្រើប្រាស់នោះទេ។ (អានអត្ថបទនេះបន្ថែមដើម្បីដឹងពីបញ្ហា និងដំណោះស្រាយដើម្បីអាចធ្វើឱ្យ 5G គ្របដណ្ដប់ទូទាំងពិភពលោក)

ជាចុងក្រោយលោក James Chen បានសង្កត់ធ្ងន់ថា 5G នឹងមកផ្លាស់ប្ដូរទិដ្ឋភាពទូរសព្ទទូទាំងពិភពលោកទាំមូល ហើយនេះគ្រាន់តែជាចំណុចចាប់ផ្ដើមតែប៉ុណ្ណោះ។ ហើយដើម្បីរួមចំណែកជំរុញ 5G នាំឱកាសអាជីវកម្មមថ្មី និងនាំមកនូវភាពទំនើបងាយស្រួលសម្រាប់ជីវិតរស់ប្រចាំថ្ងៃរបស់ប្រជាជនទូទាំងពិភពលោក កាលពីពេលថ្មីៗនេះ ក្រុមហ៊ុន Huawei Technology ទើបតែទទួលបានជោគជ័យលើការបង្កើតនូវឧបរកណ៍បច្ចេកវិទ្យាថ្មី​ ដែលអាចជួយឱ្យក្រុមហ៊ុនសេវាមកពីគ្រប់ប្រទេសទាំងអស់ អាចប្រើបច្ចេកវិទ្យាថ្មីនេះ ក្នុងការពង្រីកទំហំអ៊ីនធឺណិត ឬបង់ (Band) ឱ្យដល់ទំហំ 5G បានយ៉ាងងាយស្រួល។ (អានអត្ថបទនេះបន្ថែមដើម្បីដឹងពីបច្ចេកវិទ្យាពង្រីកសេវាទៅ 5G របស់ Huawei)

គួរជម្រាបផងដែរថា វេទិកាអ៊ីនធឺណិតចល័តសកលឆ្នាំ 2022 (Global Mobile Broadband Forum 2022) ត្រូវបានរៀបចំឡើងដោយ Huawei រួមជាមួយនឹងដៃគូឧស្សាហកម្មរបស់ខ្លួន GSMA និង GTI ។ ដោយវេទិកាប្រចាំឆ្នាំមួយនេះ បានធ្វើការប្រមូលផ្តុំក្រុមហ៊ុនបណ្តាញទូរស័ព្ទចល័ត អ្នកដឹកនាំឧស្សាហកម្មបញ្ឈរ និងដៃគូប្រព័ន្ធអេកូមកពីជុំវិញពិភពលោក ដើម្បីពិភាក្សាអំពីរបៀបធ្វើឱ្យ 5G ទទួលបានជោគជ័យផ្នែកពាណិជ្ជកម្ម និងប្រធានបទក្តៅផ្សេងទៀតដូចជា ការអភិវឌ្ឍន៍បៃតង ភាពឆ្លាតវៃ និងការវិវត្តន៍ 5G ជាដើម៕