ថ្លែងនៅក្នុងឱកាសនេះផងដែរ លោក លោក រ៉េន ផារី នាយកវិទ្យាស្ថានសាន់រ៉ាយស៍បានមានប្រសាន៍ថា ស្របតាមចក្ខុវិស័យរបស់រដ្ឋាភិបាលកម្ពុជា ក្នុងការអភិវឌ្ឍន៍ប្រទេសកម្ពុជា ទៅជាសង្គមសេដ្ឋកិច្ចឌីជីថល ពួកយើងប្ដេជ្ញាចិត្តក្នុងការរួមគ្នា បង្កើតធនធានមនុស្សដែលមានចំណេះដឹង និងសមត្ថភាពផ្នែកឌីជីថលឲ្យកាន់តែច្រើន។ ប្រទេសមួយអាចអភិវឌ្ឍន៍ទៅបាន គឺមិនអាចខ្វះធនធានមនុស្សបានទេ ហើយយើងមានជំនឿថា ការចូលរួមគ្នាពីសំណាកក្រុមហ៊ុនទាំងអស់ថ្ងៃនេះនឹងក្លាយជាកម្លាំងចលករក្នុងការរួមចំណែកយ៉ាងសំខាន់ ក្នុងការបង្កើតធនធានមនុស្សឌីជីថលសម្រាប់កម្ពុជាកាន់តែច្រើន។

ជាមួយគ្នានេះដែរ លោក រ៉េន ផារី ក៏បានឲ្យដឹងផងដែរថា សម្រាប់ការចុះអនុស្សរណៈនៃការយោគយល់គ្នា (MOU) ជាមួយក្រុមហ៊ុនបច្ចេកវិទ្យាទាំង៨ ក្នុងថ្ងៃនេះ លោកមានសុទិដ្ឋិនិយមថានឹងនាំមកនូវសមិទ្ធផល និងឱកាសជាច្រើនសម្រាប់សិស្សានុសិស្ស ក៏ដូចជានិស្សិតខ្មែរ ជាក់ស្ដែងក្រុមហ៊ុនទាំងអស់នឹងសហការជាមួយវិទ្យាស្ថាន Sunrise បង្កើតកម្មវិធីសិស្សាដែលមានស្ដង់ដារខ្ពស់ និងមានសញ្ញាបត្រទទួលស្គាល់ដោយអន្ដរជាតិ ឱកាសការងារហាត់ការសម្រាប់សិស្ស ឱកាសការងារនៅក្រុមហ៊ុនក្នុងស្រុកល្អៗ និងឱកាសការងារទៅក្រៅប្រទេស ក៏ដូចជាការបង្កើតឲ្យមានកម្មវិធីសិក្ខាសាលាល្អៗ​ ដោយអញ្ជើញអ្នកជំនាញបច្ចេកវិទ្យាដែលបច្ចុប្បន្នកំពុងតែបម្រើការងារនៅក្នុងក្រុមហ៊ុនធំៗ មកចែករំលែកបទពិសោធន៍ដល់សិស្សានុសិស្សផងដែរ។

គួរជម្រាបផងដែរថា វិទ្យាស្ថានសាន់រ៉ាយស៍ Sunrise បានឈរជើងយ៉ាងរឹងមាំអស់រយៈពេលជាង១០ឆ្នាំ និងបានជួយបណ្ដុះបណ្ដាលធនធនាមនុស្សផ្នែកបច្ចេកវិទ្យា IT ប្រមាណ ៦០០០នាក់។ ហើយប្រសិនបើប្អូនប្អូនសិស្ស ឬអាណាព្យាបាលសិស្ស ក៏ដូចជាក្រុមហ៊ុនដែលមានបំណងចង់បញ្ជូនបុគ្គលិកឱ្យមកសិក្សាជាមួយនឹងវិទ្យាសា្ថនសាន់រ៉ាយស៍ Sunrise ដើម្បីទទួលបានចំណេះដឹង និងចំណេះធ្វើដ៏ពិតប្រាកដ អាចទំនាក់ទំនងទៅកាន់លេខ 023/016/099 997 282 វេបសាយ sunriseinstitute.tech ឬហ្វេសប៊ុកផេក Sunrise institure of technology៕

អត្ថបទដោយ៖ ម៉ម ណាវ៉ាសិរិ (Tel: 0966034563 | Telegram: @Navasiri)