បើតាមការចុះផ្សាយរបស់សារព័ត៌មាន BBC បានឱ្យដឹងថា​ លោក Mark Zuckerberg បានទម្លាក់ទីតាំងបបួលលោក Elon Musk ទៅវៃគ្នាននៅ «Vegas Octagon» ដែលទីតាំងមួយនេះ គឺជាសង្វៀនប្រគួតប្រដាល់លំដាប់ពិភពលោក UFC ពោលគឺមហាសេដ្ឋីទាំងពីររូបនេះ នឹងធ្វើការប្រគួតវាយប្រដាល់ក្នុងទ្រុង។

ប្រភពបដែលបានឱ្យដឹងទៀតថា​ បើតាមលោក Nick Peet អ្នកកាសែតកីឡាដ៏លិចធ្លោរមួយរូបនេះ បានឱ្យដឹងថា លោក Dana White ដែលជាប្រធាន UFC ទំនងជារំភើបខ្លាំង ក្នុងការរៀបចំឱ្យមានជំនួនប្រគួតគ្នារវាងមហាសេដ្ឋីពិភពលោកទាំងពីររូបនេះនៅក្នុងសង្វៀន UFC។

គួរជម្រាបផងដែរថា សម្រាប់ការប្រគួតគឺមានលទ្ធភាពខ្ពស់ដែលនឹងត្រូវប្រារព្ធឡើងនៅក្នុងសង្វៀន UFC ហើយជាទូទៅការប្រគួតក្នុងកម្មវិធី UCF គឺតែងតែត្រូវបានផ្ដាយបន្ដផ្ទាល់ឱ្យមនុស្សទូទាំងពិភពលោកបានទស្សនា តាមរយៈហ្វេសប៊ុកផេក UFC ក៏ដូចជា YouTube Channel UFC - Ultimate Fighting Championship ផងដែរ។ យ៉ាងណាមិញសម្រាប់ថ្ងៃប្រគួតគឺយើងនឹងរង់ចាំមើលខាង UFC ក៏ដូចជា លោក Mark Zuckerberg និងលោក Elon Musk ប្រកាសក្នុងពេលឆាប់ៗខាងមុខនេះផងដែរ៕