ជាក់ស្តែងមុខងារ Dynamic Island មួយនេះកំពុងតែទទួលបានការចាប់អារម្មណ៍ខ្លាំងពីសំណាក់អ្នកប្រើប្រាស់ ក្នុងនោះផងដែរ​យើងឃើញថាមាន​ Developer Android ម្នាក់បានចម្លងស្តាយមុខងារចេញពី iOS    ដាក់ចូលនៅក្នុង Android បានស្រេច ហើយគេបានដាក់ Theme នេះលើទូរស័ព្ទ Xiaomi ។

បើតាមគណនី Twitter ឈ្មោះ Vaibhav jain បានធ្វើការបង្ហោះវីដេអូខ្លីមួយដែលបង្ហាញពីមុខងារ Dynamic Island នៅលើ Android ហើយបច្ចុប្បន្នវាកំពុងដំណើរការលើ Xiaomi MIUI។ ហើយលោកបានបញ្ជាក់ថា​ Theme នេះមានឈ្មោះថា Grumpy UI ។

Dynamic Island Style Notifications / Now Playing on Xiaomi MIUI. Mi Theme Developers never disappoint 😎 pic.twitter.com/ImHmbkRZnb

— Vaibhav Jain (@vvaiibhav) September 11, 2022

លើសពីនេះទៅទៀតខាង​ Developer ក៏បានប្រាប់ទៅលោក Vaibhav jain វិញថា​ បច្ចុប្បន្នមុខងារនេះកំពុងស្ថិតក្នុងការត្រួតពិនិត្យ ហើយប្រសិនបើខាង​ Xiaomi យល់ព្រមនោះគេនឹងដាក់វានៅលើ Theme Store ភ្លាម។

អត្ថបទដោយ៖ រិន មករា