នាយកដ្ឋានប្រឆាំងបទល្មើសបច្ចេកវិទ្យាបានចេញនៅសេចក្តីប្រកាស សូមប្រុងប្រយ័ត្ន !ពីការឆបោកបន្លំតាមរយះ PHISHING link ដោយមានជនអនាមិកបានផ្ញើរសារបន្លំក្នុងរូបភាពបំភិតបំភ័យអោយជនរងគ្រោះចុចចូលតំណរlink ដើម្បីទាញយកពាក្យសម្ងាត់និងលួចយកទិន្ន័យយកទៅប្រើប្រាស់ប្រព្រឹត្តបទល្មើសនៅក្នុង Telegram។
តើការបោកប្រាស់នេះដំណើរការយ៉ាងណា?
- សារបន្លំ
សារបោកប្រាស់ អ្នកបោកប្រាស់តែងតែផ្ញើសារដោយធ្វើជាអ្នកsupport ឬបន្លំធ្វើរដ្ឋាភិបាលដែលគួរឱ្យទុកចិត្តផ្សេងទៀត។ សារទាំងនេះបាននិយាយថាគណនីរបស់អ្នកមានបញ្ហាឬមានសកម្មភាពគួរឱ្យសង្ស័យ ឬតម្រូវអោយមានការផ្ទៀងផ្ទាត់។ឧទាហរណ៍នៃសារបោកប្រាស់ "គណនីរបស់អ្នកនឹងត្រូវបានបិទដំណើរការ លុះត្រាតែអ្នកផ្ទៀងផ្ទាត់វាភ្លាមៗ"។ - ការបំភយ័អ្នកប្រើប្រាស់
ដើម្បីដាក់សម្ពាធជនរងគ្រោះឱ្យធ្វើសកម្មភាពយ៉ាងឆាប់រហ័ស អ្នកបោកប្រាស់ប្រើយុទ្ធសាស្ត្រការបំភយ័អោយជនរងគ្រោះមានការភ័យខ្លាច។ សារជាញឹកញាប់មានជាការព្រមានជាបន្ទាន់ដូចជា "ផ្ទៀងផ្ទាត់គណនីរបស់អ្នកក្នុងរយៈពេល 24 ម៉ោងដើម្បីជៀសវាងការផ្អាក" ដែលជាហេតុក្នុងការបង្កើតការភ័យស្លន់ស្លោដែលបង្ខំជនរងគ្រោះឱ្យធ្វើសកម្មភាពដោយមិនបានគិត។ - តំណភ្ជាប់បន្លំ
សារទាំងនេះជាធម្មតារួមបញ្ចូលតំណភ្ជាប់ទៅកាន់គេហទំព័រដែលធ្វើត្រាប់តាមគេហទំព័រផ្លូវការរបស់ Telegram យ៉ាងជិតស្និទ្ធ។ នៅពេលអ្នកប្រើប្រាស់តម្រូវស្នើឱ្យបញ្ចូលលេខទូរស័ព្ទ ពាក្យសម្ងាត់ ឬ OTPs របស់ពួកគេនិងព័ត៌មានលម្អិតទាំងនោះនិងត្រូវបានចាប់យកដោយអ្នកបោកប្រាស់។ បន្ទាប់ពីលួចបានគណនីរបស់ជនរងគ្រោះ អ្នកបោកប្រាស់អាចចូលទៅប្រើប្រាស់គណនី Telegram ហើយការចូលប្រើនេះ ពួកគេអាចនិងយកគណនីរបស់យើងដើម្បីក្លែងបន្លំផ្ញើសារទៅខ្ចីលុយ ឬយកទៅផ្សព្វផ្សាយសារបន្លំបន្ថែមទៀតទៅកាន់អ្នកដែលមានទំនាក់ទំនងជាមួយគណនីរបស់យើង ។
ការពារខ្លួនពីការបោកប្រាស់តាមរយៈ Telegram
ការបោកប្រាស់តាមរយៈ Telegram កំពុងកើតឡើងជាញឹកញាប់។ ដើម្បីការពារខ្លួនអ្នក សូមចងចាំចំណុចសំខាន់ៗខាងក្រោម៖
- ពិនិត្យតំណភ្ជាប់ឲ្យបានដិតដល់: តំណភ្ជាប់ផ្លូវការរបស់ Telegram គឺ telegram.org តែមួយគត់។ អ្នកបោកប្រាស់ជាញឹកញាប់ប្រើតំណភ្ជាប់ដែលមើលទៅស្រដៀងគ្នា ដូចជា tele-support.xyz ឬ Telegrom។ តំណភ្ជាប់ពិត: https://telegram.org
- កុំបញ្ចូលព័ត៌មាន: Telegram នឹងមិនសុំឱ្យអ្នកបញ្ចូលពាក្យសម្ងាត់ ឬកូដ OTP តាមរយៈសារទេ លើកលែងតែអ្នកចង់ចូលប្រើគណនីរបស់អ្នកពីឧបករណ៍ថ្មី។
- បើកការផ្ទៀងផ្ទាត់ពីរជាន់ (2FA): ការបើក 2FA នឹងជួយការពារគណនីរបស់អ្នកបន្ថែមទៀត ទោះបីជាអ្នកបោកប្រាស់ដឹងពាក្យសម្ងាត់របស់អ្នកក៏ដោយ។
- កុំចុចលើតំណភ្ជាប់ដែលមិនស្គាល់: ប្រសិនបើអ្នកទទួលបានសារដែលមានតំណភ្ជាប់ដែលមើលទៅមិនទុកចិត្ត សូមកុំចុចលើវា។
- ពិនិត្យមើល URL ឲ្យបានច្បាស់: មុននឹងចុចលើតំណភ្ជាប់ណាមួយ សូមពិនិត្យមើល URL ឲ្យបានដិតដល់ ដើម្បីប្រាកដថាវាជាតំណភ្ជាប់ផ្លូវការ។
សូមបញ្ជាក់ថាការបោកប្រាស់នៅលើ Telegram គឺជាការគំរាមកំហែងដ៏ធ្ងន់ធ្ងរ ប៉ុន្តែជាមួយនឹងការប្រុងប្រយ័ត្ន និងវិធានការសុវត្ថិភាពត្រឹមត្រូវ អ្នកអាចការពារខ្លួនអ្នកបាន។ ត្រូវប្រុងប្រយ័ត្នជានិច្ចចំពោះសារដែលមិនបានស្នើសុំ និងការស្នើសុំព័ត៌មានសម្ងាត់របស់អ្នក។ តាមរយៈការបន្តជូនដំណឹងនេះអាចការដាស់តឿន និងអាចជួយអ្នកនិងការពារពីការធ្លាក់ខ្លួនក្លាយជាជនរងគ្រោះពីការលួចយកទិន្នយ័ និងធានាសុវត្ថិភាពនៅលើអ៊ីនធឺណិតរបស់អ្នក។
