មជ្ឈមណ្ឌលសុខភាពសហគមន៍ (CHC) ដែលជាអ្នកផ្តល់សេវាកម្មថែទាំសុខភាពដល់ប្រជាជនជាង ១០០,០០០ នាក់នៅConnecticutបានរាយការណ៍ពីការលួចទិន្នន័យអ្នកជំងឺទ្រង់ទ្រាយធំ។ ហេតុការណ៍នេះត្រូវបានគេរកឃើញកាលពីថ្ងៃព្រហស្បតិ៍ បន្ទាប់ពីមានសកម្មភាពគួរឱ្យសង្ស័យនៅលើបណ្តាញរបស់ CHC កាលពីថ្ងៃទី២ ខែមករា។

 ក្រុម Hacker ជំនាញបានលួចព័ត៌មានសុខភាព និងព័ត៌មានផ្ទាល់ខ្លួនរបស់អ្នកជំងឺជាងមួយលាននាក់ រួមមាន អាសយដ្ឋាន លេខទូរស័ព្ទ ការធ្វើរោគវិនិច្ឆ័យ ព័ត៌មានលម្អិតអំពីការព្យាបាល លទ្ធផលតេស្ត លេខសន្តិសុខសង្គម និងព័ត៌មានធានារ៉ាប់រងសុខភាព។ CHC ផ្តល់សេវាកម្មថែទាំសុខភាពជាច្រើន រួមទាំងសេវាកម្មនៅតាមសាលារៀន និងកម្មវិធីលុបបំបាត់ការប្រើប្រាស់សារធាតុញៀន។

ពួក Hacker មិនបានលុប ឬអ៊ិនគ្រីបទិន្នន័យណាមួយទេ ហើយការវាយប្រហារនេះមិនប៉ះពាល់ដល់ប្រតិបត្តិការប្រចាំថ្ងៃរបស់មជ្ឈមណ្ឌលសុខភាពសហគមន៍ឡើយ។