សេចក្ដីសម្រេចនេះបានមកបន្ទាប់ពីសំណុំរឿងច្បាប់ត្រូវបានដាក់ឱ្យដំណើរការដោយមេធាវីរដ្ឋាភិបាលចំនួន 14 នាក់នៅសហរដ្ឋអាមេរិកដែលចោទ TikTok ថាបង្កការខូចខាតដល់កុមារ ដោយរួមចំណែកបង្កើតបញ្ហាសុខភាពផ្លូវចិត្ត និងប្រមូលទិន្នន័យរបស់ពួកគេ។បន្ថែមពីនេះទៅទៀត របាយការណ៍មួយបង្ហាញថា ការសិក្សាផ្ទៃក្នុងរបស់ TikTok ផ្ទាល់ក៏បង្ហាញពីផលប៉ះពាល់អវិជ្ជមាននៅលើអ្នកប្រើវ័យជំទង់ផងដែរ។

TikTok ដែលជាកម្មសិទ្ធិរបស់ ByteDance ជាក្រុមហ៊ុនបច្ចេកវិទ្យាមួយដែលមានតម្លៃខ្ទង់ 300 ពាន់លានដុល្លារ អនុញ្ញាតឱ្យអ្នកប្រើដែលមានអាយុចាប់ពី 13 ឆ្នាំឡើងទៅចូលប្រើប្រាស់។ នៅពេលដែលអ្នកប្រើអាយុ 13 ទៅ 18 ឆ្នាំមាននៅការកំណត់ផ្សេងៗ ប៉ុន្តែអ្នកទទួលបន្ទុកបទបញ្ញត្តិបានសួរសំណួរពីរបៀបដែលវេទិកាកំណត់អាយុអ្នកប្រើប្រាស់របស់ខ្លួន។

ការដាក់កំហិត filter ថ្មីនេះហាក់ដូចជាជាការឆ្លើយតបចំពោះការរិះគន់ដែលកំពុងដំណើរការ ដោយផ្ដោតសំខាន់ទៅលើការកាត់បន្ថយហានិភ័យដែលបង្កដោយ beauty filters ជំនួសឱ្យ effects សប្បាយៗដូចជាត្រចៀកកូនសត្វ មុខសត្វជាដើម។

ការផ្លាស់ប្ដូរទាំងនេះត្រូវបានរៀបចំឱ្យដំណើរការជាសកល នៅក្នុងប៉ុន្មានសប្ដាហ៍ខាងមុខ សបញ្ជាក់ពីជំហានរបស់ TikTok ចុងក្រោយបង្អស់ក្នុងការធ្វើឱ្យមានតុល្យភាពរវាងភាពពេញនិយមរបស់ខ្លួន នៅនឹងការត្រួតពិនិត្យបទបញ្ញត្តិដែលកំពុងកើនឡើង។ អ្នកវិភាគនឹងមើលយ៉ាងយកចិត្តទុកដាក់ដើម្បីឃើញថាតើការផ្លាស់ប្ដូរទាំងនេះបង្ហាញបាននូវការប៉ះប៉ូវទៅនឹងកង្វល់ទាំងឡាយរបស់មាតាបិតា អ្នកបង្កើតបទបញ្ញត្តិ នឹងអ្នកជំនាញសុខភាពផ្លូវចិត្ត ដែរឬទេ។