»» ការបោកប្រាស់លើ​ Telegram

1. Crypto Investment Scam​៖ អ្នកបោកប្រាស់បង្កើតក្រុមវិនិយោគក្លែងក្លាយ ដោយសន្យាថានឹងទទួលបានផលចំណេញខ្ពស់លើការវិនិយោគគ្រីបតូ។ ពេល​ជនរងគ្រោះ​ផ្ញើ​លុយ​ជន​ឆបោកទាំងនោះក៏រត់បាត់ស្រមោល។

2. ការបោកប្រាស់ការផ្តល់ជូនការងារ៖ ជនរងគ្រោះទទួលបានការផ្តល់ជូនការងារជាមួយនឹងប្រាក់ខែខ្ពស់សម្រាប់ការងារងាយស្រួល។ អ្នកបោកប្រាស់ស្នើសុំ "ថ្លៃចុះឈ្មោះ" ឬព័ត៌មានលម្អិតផ្ទាល់ខ្លួនដើម្បីលួចអត្តសញ្ញាណ​ រួចយកអត្តសញ្ញាណនោះទៅបោកគេបន្ត។

3. រង្វាន់ក្លែងក្លាយ៖ ការផ្តល់ជូនក្លែងក្លាយដោយអះអាងថាអ្នកបានឈ្នះរង្វាន់ (ជាធម្មតា គ្រីបតូ ឬសាច់ប្រាក់) ប៉ុន្តែទាមទារ "ថ្លៃដំណើរការ" ដើម្បីរៀបចំផ្ញើរង្វាន់មក។​ លុះទទួលបានលុយនោះរួចក៏ស្ងាត់បាត់ឈឹងមិនមានទំនាក់ទំនងអ្វីទៀតឡើយ។

»» ការបោកប្រាស់តាម SMS

4.ការបន្លំជាមិត្តភ័ក្តិ ឬគ្រួសារ៖​  ជនរងគ្រោះទទួលបានសារ SMS ដែលធ្វើពុតជាសាច់ញាតិ ឬមិត្តភក្តិដែលត្រូវការជំនួយផ្នែកហិរញ្ញវត្ថុជាបន្ទាន់​ ហើយតម្រូវឱ្យវេរលុយតាមមធ្យោបាយផ្សេងៗ​ មិនបាញ់តាមធនាគារ។ ដោយមិនបានពិនិត្យច្បាស់លាស់​ និងបារម្ភចំពោះសាច់ញាតិខ្លាំងពេក​ ជនរងគ្រោះសម្រេចចិត្តវេរលុយឱ្យ​ ជនខិលខូចនោះ។​

5.ការជូនដំណឹងក្លែងបន្លំធ្វើធនាគារ៖​ ជនរងគ្រោះទទួលបានការព្រមាន SMS អំពីប្រតិបត្តិការគួរឱ្យសង្ស័យ ហើយត្រូវបានបោកបញ្ឆោតឱ្យចុចលើលីងទំព័រចូលគណនីធនាគារក្លែងក្លាយ។​ លុះចុចចូលរួចពួកជនខិលខូចបាន​ Hack យកព័ត៌មានសំខាន់ៗជាពិសេសព័ត៌មានគណនីធនាគារហើយប្រមូលលុយអស់ពីកុងតែម្ដង។

សូមលោកអ្នកបង្កើនការប្រុងប្រយ័ត្ន ចំពោះព័ត៌មានសំខាន់ៗផ្ទាល់ខ្លួន​ ជាពិសេសគឺប្រយ័ត្នចំពោះដំណឹងដែលមិនសមហេតុផល និងព្យាយាមស្វែងយល់ឱ្យបានល្អិតល្អន់មុននឹងចំណាយលុយលើអ្វីមួយ​ ឬវេរលុយឱ្យអ្នកណាម្នាក់៕