នៅក្នុងឆ្នាំ ២០២៤ នេះ ទិវាជាតិវិទ្យាសាស្ត្រ បច្ចេកវិទ្យា និង នវានុវត្តន៍ នេះនឹងប្រារព្ធឡើងក្រោមប្រធានបទ «សហគ្រាសធុនតូច និង មធ្យមឆ្ពោះទៅវិទ្យាសាស្ត្រ បច្ចេកវិទ្យា និង នវានុវត្តន៍» ក្នុងគោលដៅបំផុសចលនាឱ្យសហគ្រាសធុនតូច និង មធ្យមកម្ពុជាចាប់យកវិទ្យាសាស្ត្រ បច្ចេកវិទ្យា និង នវានុវត្តន៍ ដើម្បីបង្កើនផលិតផល និង ផលិតភាពរបស់ខ្លួន និង ពន្លឿនការអភិវឌ្ឍសង្គម-សេដ្ឋកិច្ច ក្នុងយុគសម័យឧស្សាហកម្មជំនាន់ទី៤។

យោងតាមសេចក្ដីជូនដំណឹងពីសំណាក់ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ បានឱ្យដឹងផងដែរថា ទិវាជាតិលើកនេះនឹងប្រព្រឹត្តិឡើងដោយមានកម្មវិធីសំខាន់ៗចំនួន៥ ដូចខាងក្រោម៖

១. ពិព័រណ៍បច្ចេកវិទ្យា និង គ្រឿងឧបករណ៍កម្មន្តសាល
២. ពិព័រណ៍ វិទ្យាសាស្ត្រ
៣. វេទិការពិភាក្សាស្ដីពីបច្ចេកវិទ្យា
៤. កម្មវិធីពានរង្វាន់នវានុវត្តន៍សម្រាប់វិស័យសាធារណៈ

មហាព្រឹត្តិការណ៍ជាតិដ៏ធំមួយនេះ នឹងមានការប្រមូលផ្ដុំនូវបច្ចេកវិទ្យា វាគ្មិនល្បីៗ និងអ្នកជំនាញជាច្រើន ដែលមហាជន ជាពិសេសគឺម្ចាស់អាជីវកម្មខ្នាតតូចនិងមធ្យម គួរតែចូលរួមដើម្បីកសាងទំនាក់ទំនង និងអាចរៀនសូត្រនូវចំណេះដឹង ក៏ដូចជាព័ត៌មានជាច្រើនពាក់ព័ន្ធនឹងបច្ចេកវិទ្យានិងបញ្ហាជាច្រើនក្នុងស្រុកទេសយើង។

កុំភ្លេចថ្ងៃទី ២៤-២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ