ពានរង្វាន់ដ៏មានកិត្តិយសនេះ ត្រូវបានប្រគល់ជូនដោយផ្ទាល់ពី លោក Owen Chen អគ្គនាយកប្រតិបត្តិ (CEO) នៃក្រុមហ៊ុនសាជីវកម្ម Posiflex Technology, Inc. នៅក្នុងព្រឹត្តិការណ៍ជួបជុំដៃគូអាជីវកម្ម​​ជុំវិញពិភពលោក ថ្ងៃទី ០៣ ​ខែកញ្ញា ឆ្នាំ២០២៦ នៅសណ្ឋាគារ Crowne Plaza Tainan by IHG ដើម្បីទទួលស្គាល់ដៃគូ ដែលមាន អត្រាកំណើននៃការលក់ (Growth Rate) ខ្ពស់លេចធ្លោជាងគេ ក្នុងចំណោមបណ្តាប្រទេសទាំងអស់ទូទាំងសាកលលោក។

ទោះបីជាប្រទេសកម្ពុជាមានទំហំទីផ្សារ និងចំនួនប្រជាសាស្ត្រតូចជាងបណ្តាប្រទេសជិតខាងក្នុងតំបន់អាស៊ានក៏ដោយ ប៉ុន្តែ ល្បឿននៃការកើនឡើងនៃតម្រូវការ និង ការផ្លាស់ប្តូរទៅរកការប្រើប្រាស់បច្ចេកវិទ្យាឌីជីថល ក្នុងវិស័យអាជីវកម្មលក់រាយ (Retail), ផ្សារទំនើប, ភោជនីយដ្ឋាន, សេវាកម្ម និងបដិសណ្ឋារកិច្ច មានសន្ទុះយ៉ាងខ្លាំងក្លា។ កត្តានេះបានរុញច្រានឱ្យក្រុមហ៊ុន IQ Distribution សម្រេចបាននូវអត្រាកំណើននៃការចែកចាយផលិតផល Posiflex លើសពីការរំពឹងទុក។

តំណាងក្រុមហ៊ុន IQ Distribution បានលើកឡើងថា៖ «ពានរង្វាន់ Sales Excellence Award 2026 នេះ មិនត្រឹមតែ​ជា​ជោគជ័យដ៏សំខាន់របស់ក្រុមហ៊ុន IQ Distribution ប៉ុណ្ណោះទេ ប៉ុន្តែថែមទាំងជាសក្ខីភាព​ បញ្ជាក់ពីសក្តានុពល និងភាពធន់​នៃសេដ្ឋកិច្ចកម្ពុជានៅលើឆាកអន្តរជាតិផងដែរ។ ទោះបីជាបរិមាណទីផ្សារសរុបរបស់យើងនៅមានកម្រិត បើធៀបនឹងប្រទេសធំៗ តែល្បឿននៃការធ្វើទំនើបកម្មអាជីវកម្មនៅកម្ពុជា កំពុងឈានទៅមុខយ៉ាងរហ័ស។ ម្ចាស់អាជីវកម្មក្នុងស្រុកកាន់តែច្រើន បាននិងកំពុងវិនិយោគលើប្រព័ន្ធគ្រប់គ្រងការលក់ និង Hardware ដែលមានស្តង់ដារខ្ពស់ ដើម្បីពង្រឹង ប្រសិទ្ធភាពប្រតិបត្តិការ និងការពង្រីកអាជីវកម្មកាន់តែសកម្មជាបន្តបន្ទាប់ ស្របទៅនឹងឱកាសទីផ្សារ ។»

ការទទួលស្គាល់កម្រិតអន្តរជាតិនេះ បានឆ្លុះបញ្ចាំងយ៉ាងច្បាស់ពីការប្តេជ្ញាចិត្តខ្ពស់របស់ថ្នាក់ដឹកនាំក្រុមហ៊ុន IQ Distribution ក្រោមបេសកកម្ម «Grow Your Business Together» ក្នុងការនាំមកនៅបច្ចេកវិទ្យា Hardware និងដំណោះស្រាយ​ស្វ័យប្រវត្តិកម្ម កម្រិតពិភពលោកមកបម្រើទីផ្សារកម្ពុជា ព្រមទាំងចូលរួមចំណែកយ៉ាង​សកម្ម ក្នុង​ការ​អភិវឌ្ឍ​ប្រព័ន្ធអេកូឡូស៊ី​សេដ្ឋកិច្ចឌីជីថលនៅកម្ពុជា។

ពានរង្វាន់អន្តរជាតិនេះ គឺជាសញ្ញាណដ៏វិជ្ជមានមួយដែលបង្ហាញពីការរីកចម្រើនយ៉ាងឆាប់រហ័សនៃសេដ្ឋកិច្ចឌីជីថលនៅក្នុងប្រទេសកម្ពុជា។ ការចាប់យកបច្ចេកវិទ្យាទំនើបក្នុងការគ្រប់គ្រងអាជីវកម្ម មិនត្រឹមតែជួយបង្កើនប្រសិទ្ធភាព និងភាពប្រកួតប្រជែងខ្ពស់របស់សហគ្រាសក្នុងស្រុកប៉ុណ្ណោះទេ ប៉ុន្តែថែមទាំងទាក់ទាញទំនុកចិត្តពី វិនិយោគិន និងក្រុមហ៊ុនបច្ចេកវិទ្យា​លំដាប់ពិភពលោកដទៃទៀត អោយមកវិនិយោគ និងពង្រីកកិច្ចសហប្រតិបត្តិការអាជីវកម្មនៅក្នុងប្រទេសកម្ពុជាកាន់តែច្រើនឡើង។

អំពីក្រុមហ៊ុន Posiflex Technology, Inc.

Posiflex Technology, Inc. គឺជាក្រុមហ៊ុនផលិត និងអភិវឌ្ឍន៍ផ្នែករឹង (Hardware) សម្រាប់ប្រព័ន្ធ POS, Self-Service Kiosks និងដំណោះស្រាយ Edge Computing កម្រិតពិភពលោក ដែលមានមូលដ្ឋាននៅកោះតៃវ៉ាន់ និងមាន​បណ្តាញ​សាខា ប្រតិបត្តិការជាសកល ជាង 42 ឆ្នាំមកហើយ។ ផលិតផលរបស់ក្រុមហ៊ុនសាជីវកម្ម Posiflex ត្រូវបានទទួលស្គាល់ទូទាំង​ពិភពលោកចំពោះភាពធន់ គុណភាពខ្ពស់ និងការរចនាប្រកបដោយភាពច្នៃប្រឌិត។

អំពីក្រុមហ៊ុន IQ Distribution (Cambodia) Co., Ltd.

IQ Distribution (Cambodia) Co., Ltd. គឺជាក្រុមហ៊ុនចែកចាយបច្ចេកវិទ្យាព័ត៌មានវិទ្យា (IT) និងប្រព័ន្ធ Retail/POS Solutions ឈានមុខគេមួយនៅកម្ពុជា។ ក្រុមហ៊ុនជាតំណាងចែកចាយស្របច្បាប់នូវផលិតផលម៉ាកល្បីៗលើពិភពលោក រួមមាន Posiflex, SUNMI, Honeywell by Brandy Corporation, APC by Schneider Electric, Bixolon, Data Logic, TSC Printronix, SOTI, ZK Teco និងម៉ាកសញ្ញាឈានមុខ ជាច្រើនទៀត ដោយផ្តល់ជូននូវផលិតផលគុណភាព សេវាកម្មគាំទ្របច្ចេកទេស និងការធានាជាផ្លូវការជូនដៃគូអាជីវកម្មទាំងអស់ ទូទាំងប្រទេសកម្ពុជា។