២០២៤ ចេះធ្វើទីផ្សារទាំង Offline និង Digital Marketing ច្បាស់នេះជាវគ្គទាំង៦ដែលអ្នកមិនត្រូវរំលងរៀនហ្វ្រីតាមអនឡាញ

ជំនាញទីផ្សារគឺជាជំនាញដ៏សំខាន់មួយ ពោលគឺវាជាធាតុផ្សំដ៏សំខាន់ដែលជួយរុញច្រានអាជីវកម្មមួយឲ្យជោគជ័យ។ ហើយថ្ងៃនេះផងដែរ Technology Cambodia នឹងបង្ហាញពីវគ្គសិក្សាអនឡាញចំនួន៦ បង្រៀនលម្អិតពីការធ្វើទីផ្សារទាំងការធ្វើទីផ្សារតាមបែបឌីជីថល និងការធ្វើទីផ្សារបែបប្រពៃណី។ ហើយមេរៀនទាំងអស់គឺត្រូវបានរៀបចំនិងបង្រៀបដោយគ្រូមកពីសាកលល្បីៗ និងស្ថាប័នធំៗលំដាប់ពិភពលោកជាច្រើន ដែលលោកអ្នកអាចរៀនបានដោយឥតគិតថ្លៃដូចខាងក្រោម៖

Introduction to Marketing៖ វគ្គសិក្សាមួយនេះត្រូវបានបង្កើតឡើងដោយសាកលវិទ្យាល័យ University of Pennsylvania ដែលជាសាកលវិទ្យាល័យដ៏ល្បីឈ្មោះមួយនៅសហរដ្ឋអាមេរិក។ តាមរយៈវគ្គសិក្សានេះអ្នកនឹងបានរៀនពីមូលដ្ឋានគ្រិះក្នុងការធ្វើទីផ្សារសំខាន់ៗ ដែលក្នុងនាមជាអ្នកធ្វើទីផ្សារម្នាក់គួរដឹង។

Marketing Strategy Specialization៖ នេះជាវគ្គសិក្សាដ៏សំខាន់មួយដែលបង្រៀនលម្អិតពីមូលដ្ឋានគ្រិះនៃការរៀបចំយុទ្ធសាស្ដ្រធ្វើទីផ្សារមួយឲ្យទទួលបានជោគជ័យ។ ដោយវគ្គសិក្សាមួយនេះអ្នកត្រូវចំណាយពេល ២ខែ និង១០ម៉ោង និងត្រូវបំពេញលំដាប់ផ្សេងៗដើម្បីតេស្ដសមត្ថភាពការយល់ដឹងនិងបញ្ចប់វគ្គសិក្សាផងដែរ។

Fundamentals of digital marketing៖ នេះជាវគ្គសិក្សាមូលដ្ឋានគ្រិះក្នុងការធ្វើទីផ្សារឌីជីថលដែលរៀបចំឡើងដោយក្រុមហ៊ុន Google ដែលមានរយៈពេល៤០ម៉ោង។ ហើយក្រោយពីរៀនចប់លោកអ្នកក៏អាចធ្វើការប្រឡងតេស្ដសមត្ថភាពដើម្បីទទួលបានវិញ្ញាបនបត្របញ្ជាក់ការសិក្សាចេញពីក្រុមហ៊ុន Google ផ្ទាល់បានផងដែរ។ ដូច្នេះហើយក្រៅពីការរៀននៅវគ្គមូលដ្ឋានគ្រិះទាំងពីរខាងលើអ្នកក៏ត្រូវចេះនិងយល់ដឹងពីរបៀបធ្វើទីផ្សារឌីជីថលផងដែរ។

Meta Social Media Marketing Professional Certificate៖ វគ្គសិក្សាមួយនេះបង្កើតឡើងដោយក្រុមហ៊ុន Meta ដែលជាក្រុមហ៊ុនមេរបស់ Facebook បង្រៀនលម្អិតពីការធ្វើទីផ្សារលើបណ្ដាញសង្គម ជាពិសេសគឺការធ្វើទីផ្សារលើបណ្ដាញសង្គម Facebook ផ្ទាល់តែម្ដង។

Hubspot Academy- Content Marketing Course៖ តាមរយៈវគ្គសិក្សាមួយនេះលោកអ្នកនឹងបានរៀនពីរបៀបផលិតមាតិកាឲ្យបានទាក់ទាញមិនថាតែមាតិកាសម្រាប់ផ្ដល់ដំណឹងជូនអតិថិជន បញ្ឆេះចំណង់អតិថិជន ក៏ដូចជាមាតិកាជំរុញការលក់ជាដើម ដែលវគ្គសិក្សានេះត្រូវបានបង្កើតឡើងនិងផ្ដល់ជូនដោយ Hubspot Academy បន្ថែមពីនេះទៀត ក្រោយពីរៀនចប់អ្នកក៏អាចទទួលបាន Certificate បញ្ជាក់ការសិក្សាផងដែរ។ ដូច្នេះក្រៅពីចំណេះដឹងផ្នែកយុទ្ធសាស្រ្ដទីផ្សារ ក៏ដូចជាការងារបច្ចេកទេសប្រើប្រាស់ផ្លែតហ្វមបណ្ដាញសង្គមផ្សេងៗ អ្នកក៏ត្រូវចេះជំនាញមួយទៀតផងដែរ គឺជំនាញក្នុងការផលិតមាតិកា។

Effective Communication in the Globalised Workplace Specialization៖ វគ្គសិក្សាមួយនេះនឹងបង្រៀនអ្នកពីជំនាញក្នុងការប្រាស្រ័យទាក់ទង និងការចរចាជាមួយដៃគូរអាជីវកម្ម អតិថិជន និងមិត្តរួមការងារជាដើម ពោលគឺវគ្គសិក្សាដែលរៀបចំឡើងដោយសាកលវិទ្យាល័យ NUS ដែលជាសាកលវិទ្យាល័យលេខ១ របស់សិង្ហាបុរីមួយនេះ នឹងបង្រៀនអ្នកពីជំនាញទន់សំខាន់ៗ ដែលអ្នកធ្វើទីផ្សារមិនអាចខ្វះបាន។

គួរជម្រាបផងដែរថា វគ្គសិក្សាទាំងអស់ខាងលើនេះលោកអ្នកអាចរៀនបានដោយឥតគិតថ្លៃ និងមាន Certificated បញ្ជាក់ការសិក្សាផងដែរ។ យ៉ាងណាមិញ សម្រាប់វគ្គទាំងអស់ខាងលើគ្រាន់តែជាផ្នែកមួយដែលអាចផ្ដល់ជាចំណេះដឹងនិងព័ត៌មានបន្ថែមដល់អ្នក ដើម្បីឲ្យអ្នកសម្រេចបាននូវគោលដៅក្នុងការក្លាយជាអ្នកធ្វើទិផ្សារមួយរូបដែលមានមូលដ្ឋានគ្រិះច្បាស់លាស់។ ទោះបីជាយ៉ាងនេះក្ដីអ្នកគួរគប្បីខំប្រឹងសិក្សាស្រាវជ្រាវបន្ថែម និងជាពិសេសគឺអាចស្វែងរកសហគមន៍ ឬក៏រកឪកាសការងារផ្សេងៗជុំវិញការងារទីផ្សារ ដើម្បីអនុវត្តន៍នូវអ្វីដែលអ្នកបានរៀន និងដើម្បីទទួលបានបទពិសោធន៍និងក្លាយជាអ្នកជំនាញយ៉ាងពិតប្រាកដ៕

ឈប់ឆ្ងល់ទៀតទៅ! ក្រុមហ៊ុនឡាន Land Rover ចេញប្រកាសរឿងករណីឆេះ Defender និង Range Rover

ប្រសើរណាស់! ក្រុមហ៊ុន AnAnA Computer ចាប់ដៃនឹង Huawei រៀបចំសិក្ខាសាលា បរិវត្តកម្មឌិជីថលក្នុងវិស័យធនាគារ

ថ្លៃមិនស្ទើរទេ! បើអាមេរិកចង់ទិញយកក្រុមហ៊ុន TikTok ទៅគ្រប់គ្រងត្រូវចំណាយលុយដល់ទៅរាប់សិបពាន់លាន$ ទើបទិញកើត

AI ដណ្ដើមការងារមនុស្សឬយ៉ាងណា! មេធំ Facebook ថានឹងប្រើ AI ជំនួសអ្នកសរសេរកូដនៅក្រុមហ៊ុនខ្លួនក្នុងឆ្នាំ២០២៥នេះ