បច្ចុប្បន្ននេះ ការផលិតវីដេអូរកលុយនៅលើ Facebook គឺជាវិធីសាស្រ្ដរកចំណូលដ៏ពេញនិយមបំផុតមួយនៅក្នុងប្រទេសកម្ពុជា ខណៈមានអ្នកអាចរកចំណូលបានដល់ខ្ទង់ពាន់ ខ្ទង់ម៉ឺនដុល្លារក្នុងមួយខែក៏មាន។ ហើយថ្ងៃនេះផងដែរ Technology Cambodia នឹងធ្វើការលើកយកនូវលក្ខខណ្ឌមួយចំនួន ដើម្បីអាចរកចំណូលតាមរយៈការផលិតវីដេអូដាក់នៅលើ Facebook ដូចខាងក្រោម៖
១. ត្រូវមានហ្វេសប៊ុកផេក និងផុសវីដេអូឱ្យបានទៀតទាត់
២. ត្រូវមានអ្នក Followers ចាប់ពី ១០០០០ ឡើងទៅ
៣. មានអ្នកមើលវីដេអូរយៈពេល ៦០០០០០ នាទី ក្នុងរយៈពេល៦០ថ្ងៃ
៤. ស្ថិតនៅក្នុងប្រទេសដែលអាចរកលុយជាមួយ Facebook បាន
គួរជម្រាបផងដែរថា សម្រាប់បច្ចុប្បន្ននេះ កម្ពុជា មិនស្ថិតនៅក្នុងចំណោមប្រទេសដែលអាចរកចំណូលបានពីកម្មវិធី In-Stream Ads របស់ Facebook នោះទេ។ យ៉ាងណាមិញ បើតាមការឱ្យដឹងរបស់បងប្អូន របស់ដែលអាចរកចំណូលបានពី Facebook បានប្រាប់ក្រុមការងារ Technology Cambodia ឱ្យដឹងថា ដើម្បីអាចរកចំណូលបាន គឺត្រូវមាន Admin ផេកដែលស្ថិតនៅក្នុងប្រទេសដែល Facebook បើកឱ្យរកលុយពីមុខងារ In-Stream Ads ទើបអាចរកចំណូលបាន៕
