ប្រភពដដែលបានឲ្យដឹងថា លោក Justine Bieber បានធ្វើការទិញរូបស្វាមុខធុញ NFT ចំនួន២រូប កាលពីឆ្នាំ២០២១ ក្នុងតម្លៃ ១.២លានដុល្លារ ខណៈគិតមកទល់នឹងពេលបច្ចុប្បន្ននេះ តម្លៃ NFTs របស់លោក Justine Bieber បានធ្លាក់ថ្លៃ ប្រមាណ៩៧% ដែលធ្វើឲ្យលុយជាង១លានដុល្លាររបស់លោករលាយបាត់អស់ក្នុងទីផ្សារ។

ជាមួយគ្នានេះដែរ បច្ចុប្បន្ននេះរូបស្វាមុខធុញ NFT របស់លោក Justine Bieber នៅសល់តម្លៃប្រមាណតែ ៤០០០០ដុល្លារតែប៉ុណ្ណោះ ក្រោយទិញអស់រយៈពេលប្រមាណ៣ឆ្នាំ។

គួរជម្រាបផងដែរថារូបស្វាមុខធុញ NFTs បានផ្ទុះការល្បីល្បាញយ៉ាងខ្លាំងនៅក្នុងអំឡុងចុងឆ្នាំ២០២១ ខណៈមានតារាចម្រៀង តារាសម្ដែង និងមនុស្សជាច្រើនជុំវិញពិភពលោកបានសម្រុកទិញរូប NFTs Bored Ape Yacht Club នៅក្នុងអំឡុងពេលនោះ៕