IT គឺជាជំនាញដ៏ពេញនិយម និងជំនាញដែលមានតម្រូវការទីផ្សារខ្ពស់បំផុតមួយនៅក្នុងសម័យបច្ចេកវិទ្យានាពេលបច្ចុប្បន្ននេះ។ យ៉ាងណាមិញអ្វីដែលជាបញ្ហាគឺសម្រាប់អ្នកដែលទើបតែចាប់ផ្ដើមថ្មី ឬចង់រៀនសូត្រពីជំនាញនេះបន្ថែមបានជួបប្រទះនោះ គឺពួកគេមិនដឹងត្រូវចាប់ផ្ដើមរៀនពីណាទៅណានោះទេ។
ដើម្បីជាដំណោះស្រាយឆ្លើយតបទៅកាន់បញ្ហាខាងលើ Technology Cambodia សូមណែនាំវេបសាយមួយដែលមានឈ្មោះថា Roadmap.sh ដែលអាចជួយបង្ហាញផ្លូវអ្នកក្នុងការចាប់ជំនាញណាមួយនៅក្នុងជំនាញ IT បាន។
ដោយវេបសាយមួយនេះបានធ្វើការគូសបង្ហាញជាផែនទីបង្ហាញពីផ្លូវក្នុងការឆ្ពោះទៅចាប់ជំនាញណាមួយក្នុងវិស័យ IT ថាតើដើម្បីក្លាយជាអ្នកជំនាញមួយរូបត្រូវឆ្លងកាន់ និងសិក្សាពីអ្វីខ្លះ ចាប់ផ្ដើមពីណាទៅណាជាដើម។ ហើយអ្វីដែលកាន់តែពិសេសនោះ នៅក្នុងដំណាក់កាលនីមួយៗ គេបានបង្កប់លីងមេរៀនដែលអ្នកអាចធ្វើការចុចទៅរៀនមេរៀនទាំងអស់នោះបានភ្លាមៗតែម្ដងពោលគឺអ្នកអាចរៀនតាមដំណាក់កាលពីមួយមេរៀនៗ ទៅមួយមេរៀនដើម្បីស្វែងយល់ពីជំនាញដែលអ្នកចង់ចាប់បាន។