Iron Dome គឺជាប្រព័ន្ធបច្ចេកវិទ្យាការពារដែនអាកាសចល័តរបស់អ៊ីស្រាអែល ដែលបង្កើតឡើងដោយ Rafael Advanced Defense Systems និង Israel Aerospace Industries បង្កើតឡើងក្នុងឆ្នាំ២០០៦ និងដាក់ឱ្យប្រើប្រាស់ការពារប្រទេសនៅក្នុងឆ្នាំ២០១១។ 

ភាពអស្ចារ្យរបស់ IRON DOME? 

ក្រឡេកទៅមើលពីភាពអស្ចារ្យរបស់ IRON DOME និងរបៀបដែលវាធ្វើការវិញ គឺមានអង្គប្រកប៣សំខាន់ៗដូចខាងក្រោម៖

1.  Radar ដែលអាចចាប់សញ្ញាគ្រាប់ផ្លោងដែលកំពុងតែហោះចូលមកគំរាមកំហែងដល់ប្រទេសរបស់ខ្លួន
2. ប្រព័ន្ធវិភាគ (BMC) វាទទួលទិន្នន័យវិភាគថាតើគ្រាប់ផ្លោងដែលហោះមកនោះ នឹងទៅធ្លាក់នៅកន្លែងណា?
3. ឧបករណ៍ផ្ទុកគ្រាប់ផ្លោង សម្រាប់បាញទម្លាក់ បើប្រព័ន្ធវិភា (BMC) វិភាគឃើញថា គ្រាប់ផ្លោងដែលហោះមកប៉ះពាល់ទីក្រុង វានឹងបាញ់គ្រាប់ផ្លោងនោះឱ្យផ្ទុះនៅលើអាកាស ប៉ុន្ដែបើវិភាគឃើញថា គ្រាប់ផ្លោងដែលសត្រូវបាញ់មក កមិនចំតំបន់ទីប្រជុំជន ដែលមិនប៉ះពាល់ដល់ប្រជាជនទេ គឺវានឹងមិនបាញ់ទម្លាក់ទេ ពោលគឺវានឹងទុកឱ្យគ្រាប់នោះទៅធ្លាក់នៅតំបន់ដែលគ្មានមនុស្សរស់នៅនោះ។

ប្រព័ន្ធមួយនេះ ត្រូវបានគេចាត់ទុកថាជាប្រព័ន្ធការពារបច្ចេកវិទ្យាទំនើបបំផុតមួយលើពិភពលោក ខណៈប្រព័ន្ធមួយនេះ មានប្រសិទ្ធិភាពក្នុងការពារគ្រាប់បានរហូតដល់ទៅ៩០-៩៧% និងអាចស្ទាក់ចាប់គ្រាប់បានរយៈចំងាយ ៧០គីឡូម៉ែត្រ។

យ៉ាងណាក៏ដោយ នៅលើលោកនេះគ្មានអ្វីដែលល្អឥតខ្ចោះនោះទេ ក្រៅតែពីមានសមត្ថភាពខ្ពស់ គុណវិបត្តិមួយរបស់ IRON DOME គឺវាមានតម្លៃថ្លៃ ខណៈគ្រាប់ម៉ីស៊ីលរុកកែត ដែលត្រូវបាញ់ទៅបំផ្លាញគ្រាប់ផ្លោងរបស់សត្រូវ មួយគ្រាប់គឺមានតម្លៃរហូតទៅ ៥០,០០០ដុល្លារ ជាហេតុធ្វើឱ្យមានការចំណាយថវិការជាតិច្រើនដើម្បីបានប្រព័ន្ធនេះមកការពារជាតិ។

យ៉ាងណាមិញ ថ្វីត្បិតតែប្រព័ន្ធ IRON DOME នេះខ្លាំងក្នុងការស្ទាក់ចាប់និងកំទេចគ្រាប់ផ្លោងក៏ពិតមែន ប៉ុន្ដែសង្រ្គាមរវាងអ៊ីស្រាអ៊ែក និងប្រទេស ហាមាស កាលពីថ្ងៃទី ០៧ ខែតុលា ឆ្នាំ២០២៣ ថ្មីនេះបានធ្វើឱ្យពិភពលោកហាក់មានការភ្ញាក់ផ្អើល ខណៈហាមាស គេចផុតពីប្រព័ន្ធ IRON DOME របស់អ៊ីស្រាអ៊ែល ហើយមានគ្រាប់ផ្លោងខ្លះ បានហោះចូលផ្ទុះបំផ្លាញប្រទេសអ៊ីស្រាអែល។

 

មូលហេតុដែលហាមាស អាចគេចផុតពីសំណាញ់មេឃា IRON DOME នេះបាន គឺដោយសារតែ ហាមាស បានធ្វើការអភិវឌ្ឍន៍បច្ចេកវិទ្យាទៅលើគ្រាប់ផ្លោងររុកែតរបស់ខ្លួន  និងបានប្រើយុទ្ធសាស្រ្ដបាញ់ផ្ទួនៗ ស្រោចដូចទឹកភ្លៀង ៥០០០គ្រាប់ក្នុងរយៈពេល២០នាទីមកកាន់អ៊ីស្រាអ៊ែល ខណៈការប្រើយុទ្ធសាស្រ្ដបាញ់ស្រោចលឿនបែបនេះ ធ្វើឱ្យខាងអ៊ីស្រាអ៊ែល ត្រៀមខ្លួនមិនទាន់ ហើយប្រព័ន្ថ iron dome នេះទៀតសោត ក៏ការពារមិនទាន់ដូចគ្នា ជាហេតុធ្វើឱ្យមានគ្រាប់ផ្លោងខ្លះអាចហោះចូលទៅបំផ្លញទីក្រុងរបស់អ៊ីស្រាអ៊ែល។

ការវាយលុករបស់ក្រុម ហាមាស លើកនេះ បានបង្ហាញពីចំណុចខ្វះខាតរបស់ប្រព័ន្ធ Iron Dome របស់អ៊ីស្រាអ៊ែល ដែលត្រូវអភិវឌ្ឍន៍បន្ថែមទៀត។

ប៉ុន្ដែទោះបីជាយ៉ាងនេះក្ដី គេមិនអាចប្រកែកបានទេថា ប្រព័ន្ធ Iron Dome របស់អ៊ីស្រាអ៊ែល គឺជាប្រព័ន្ធការពារដែនអាកាសចល័ត ដែលមានបច្ចេកវិទ្យា និងសមត្ថភាពខ្ពស់បំផុតមួយនៅលើពិភពលោក ដែលបានការពារប្រទេសអ៊ីស្រាអ៊ែលជាង១០ឆ្នាំរួចមកហើយ៕