iPhone 15 គឺមិនទាន់លេចចេញជារូបរាងនៅឡើយទេ ប៉ុន្តែមានដំណឹងបែកធ្លាយថ្មីថា iPhone 16 Pro Max ដែលនឹងត្រៀមចេញនៅឆ្នាំ 2024 នឹងបំពាក់មកជាមួយអេក្រង់ធំមិនធ្លាប់ពោលគឺមានទំហំដល់ទៅ 6.9 អិញ ខណៈ iPhone 16 Pro វិញនឹងមានអេក្រង់ទំហំ 6.3 អិញ។ នេះបើយោងទៅតាមសម្តីរបស់លោក Ross Young ដែលចេញផ្សាយដោយ MacRumors ។
សម្រាប់ទំហំអេក្រង់នៅលើ iPhone 16 Pro និង iPhone 16 Pro Max នេះគឺជាទំហំដ៏ធំបំផុតហើយក្នុងខ្សែស្រឡាយ iPhone ពោលគឺមិនធ្លាប់មានពីមុនមកទេ។ ប៉ុន្តែទោះបីជាយ៉ាងណាក៏ដោយ បើគេធ្វើការប្រៀបធៀប iPhone 14 Pro និង 14 Pro Max មកដល់ជំនាន់ iPhone 15 Pro Model គឺអាចនឹងមិនមានការផ្លាស់ប្តូរទំហំអេក្រង់នោះទេពោលគឺនៅរក្សាទំហំដដែល។
យ៉ាងណាមិញសម្រាប់ទំហំអេក្រង់ iPhone 16 Pro Series នេះគឺជាការបង្គត់លេខឡើង ហើយចំពោះទំហំពិតជាក់ស្តែងលោក Ross Young នឹងធ្វើការបញ្ជាក់សបន្ថែមទៀត ពីទំហំអេក្រង់ទាំង 2 ម៉ូដែលនេះតែម្តង។
iPhone 16 Pro and Pro Max to Feature Larger 6.3-Inch and 6.9-Inch Displays https://t.co/XFoiUG3kYq by @rsgnl pic.twitter.com/WCkvNt0iin
— MacRumors.com (@MacRumors) May 9, 2023
គូសបញ្ជាក់ផងដែរថា លោក Ross Young គឺជាអ្នកវិភាគច្បាស់ៗម្នាក់ក្នុងវិស័យនេះ ហើយលោកក៏ជា co-founder និងជា CEO នៃក្រុមហ៊ុន Display Supply Chain Consultants ផងដែរ។ មិនតែប៉ុណ្ណោះកន្លងមកលោកក៏ធ្លាប់ទស្សទាយពីមុខងារ ProMotion ដែលបានបំពាក់នៅលើ iPhone 13 ក៏ដូចជា MacBook Pro 14អិញ និង 16អិញ ផងដែរ។
សម្រាប់អ្នកទាំងអស់គ្នាវិញយល់យ៉ាងណាដែរ ប្រសិនបើ iPhone 16 Pro និង 16 Pro Max អាចមានអេក្រង់ទំហំធំបែបនេះ?
អត្ថបទដោយ៖ រិន មករា
