បើគិតត្រឹមថ្ងៃទី20 ខែឧសភា ឆ្នាំ2025 នេះ ផ្សារភាគហ៊ុនរបស់ Apple ត្រូវបានបើកឱ្យជួញដូរនៅក្នុងតម្លៃ  207.67ដុល្លារ ក្នុង១ហ៊ុន។ ប្រសិនបើ អ្នកវិនិយោគ ១ពាន់ដុល្លារជាមួយនឹង Apple កាលពី ១០ឆ្នាំមុន ពោលគឺចំថ្ងៃទី20 ខែឧសភា ឆ្នាំ2015 ដែលកាលនោះមានតម្លៃត្រឹមតែ 32.50ដុល្លារក្នុង១ហ៊ុន។ ដូច្នេះមានន័យថា ចំនួនទឹកលុយរបស់លោកអ្នកគឺបានកើនឡើងពី 1,000$ មកដល់ 6,387.92$។

គួរជម្រាបផងដែរថា ភាគហ៊ុនរបស់ Apple បានចាប់ផ្ដើមដាក់ឱ្យជួញដូរជាសាធារណៈ នៅថ្ងៃទី១២ ខែធ្នូ ឆ្នាំ១៩៨០ ក្នុងតម្លៃ ២២ដុល្លារក្នុងមួយហ៊ុន។ បច្ចុប្បន្ននេះ Apple មានតម្លៃសរុបប្រមាណ 3ទ្រីលានដុល្លារ និងត្រូវបានគេចាត់ទុកជាក្រុមហ៊ុនបច្ចេកវិទ្យាយក្សមួយដែលឈរជើងលំដាប់ជួរមុខនៅសហរដ្ឋអាមេរិក និងក្នុងសាកលលោកទាំងមូលផងដែរ។ នេះបើយោងតាមរបាយការណ៍ពី Forbes៕