ប្រភពដដែលបានឲ្យដឹងទៀតថា ការលក់របស់ Intel សម្រាប់ត្រីមាសនេះត្រូវបានរាយការណ៍មានប្រមាណ $12.8 ពាន់លានដុល្លារ ដែលធ្លាក់ចុះ ១% បើប្រៀបធៀបនឹងរយៈពេលដូចគ្នាកាលឆ្នាំ ខណៈចំណូលមានការធ្លាក់ចុះដល់ ៨៣លានដុល្លារ។ ផ្ទុយទៅវិញខាងក្រុមហ៊ុន AMD ដែលជាគូរប្រកួតប្រជែង បានរាយការណ៍អំពីលទ្ធផលហិរញ្ញវត្ថុល្អខ្លាំងសម្រាប់ការរកស៊ីរយៈពេលដូចគ្នា ដែលមានការកើនឡើង ៩% មានចំណូលរហូតដល់ $៥.៨ ពាន់លានដុល្លារ និងការកើនឡើង ១៩% ខណៈប្រាក់ចំណេញមានរហូតដល់ទៅ $១.១ពាន់លានដុល្លារ ខណៈក្រុមហ៊ុនមួយនេះកំពុងកាក់កបខ្លាំងក្នុងដំណើរការលក់ឈីប AI data center របស់ពួកគេ។

CEO របស់ Intel លោក Pat Gelsinger បានទទួលស្គាល់អំពីការលទ្ធផលនៃការធ្លាក់ចុះចំណូលដ៏គួរឲ្យខកចិត្តមួយនេះ និងបានប្ដេជ្ញាចិត្តស្វែងរកដំណោះស្រាយដើម្បីបង្កើនប្រសិទ្ធភាព និងសមត្ថភាពប្រកួតប្រជែងទីផ្សារ។

គូរជម្រាបផងដែរថា ដើម្បីដោះស្រាយបញ្ហាទាំងនេះក្រុមហ៊ុន Intel បានប្រកាសផែនការសន្សំសំចៃចំណាយ ១០ ពាន់លានដុល្លារ នៅត្រឹមឆ្នាំ២០២៥ ដោយក្នុងនោះរាប់បញ្ចូលទាំងផែនការណ៍ដេញបុគ្គលិក១៥០០០នាក់ផងដែរ។ បន្ថែមពីនេះទៀតលោក Gelsinger បានប្រកាស់ពីការងនុវត្តន៍ការងារឲ្យបានខ្លាំង និងមានប្រសិទ្ធិភាពដើម្បីដោះស្រាយបញ្ហាការចំណាយខ្ពស់ និងដើម្បីដោហស្រាយបញ្ហាលទ្ធផលហិរញ្ញវត្ថុធ្លាក់ចុះនេះផងដែរ៕