ទោះជាយ៉ាងណាក៏ដោយ ក្រៅពីការប្រៀបធៀបលើតម្លៃ និងទិន្នន័យបច្ចេកទេសនៅលើក្រដាស តើកត្តាអ្វីខ្លះដែលអ្នកទិញរថយន្ត EV ទំនើបៗគួរយកចិត្តទុកដាក់បំផុត?

បើពិនិត្យទៅលើតម្លៃនៅលើទីផ្សារបច្ចុប្បន្ន រថយន្ត Avatr 07 មានតម្លៃប្រហាក់ប្រហែលចន្លោះពី $40,000 ទៅ $42,000 (អាស្រ័យលើ spec) ជាមួយនឹងចម្ងាយបើកបរប្រមាណ 650 Km។ រីឯរថយន្ត IM6 មានតម្លៃក្រោម $46,000 ដែលបំពាក់ដោយអាគុយទំហំ 75kWh អាចរត់បានចម្ងាយ 625Km (ស្តង់ដារ CLTC)។ គម្លាតតម្លៃប្រហែល $4,000 នេះ អាចធ្វើឱ្យអ្នកទិញជាច្រើនមានការរាក់ទាក់លើការសម្រេចចិត្តដំបូង។ ប៉ុន្តែ សម្រាប់រថយន្តអគ្គិសនីដែលមានបច្ចេកវិទ្យាខ្ពស់ តម្លៃខ្លួនមិនមែនជាកត្តាតែមួយកំណត់នោះទេ។

ការសន្សំថវិកា $4,000 នៅថ្ងៃទិញ គឺជាជម្រើសដ៏ល្អមួយ ប៉ុន្តែវាក៏អាចជាហានិភ័យទៅថ្ងៃមុខផងដែរ ប្រសិនបើរថយន្តតម្លៃជាង $40,000 របស់អ្នក ជួបប្រទះបញ្ហាប្រព័ន្ធភ្លើង ឬ Software ហើយមិនអាចស្វែងរកសេវាកម្មជួសជុលដែលជាស្តង់ដាររោងចក្របាន។ ការចំណាយលើការដោះស្រាយបញ្ហាក្រៅផ្លូវការ អាចនឹងមានទំហំធំជាងចំនួនទឹកប្រាក់ដែលបានសន្សំដំបូង។ 

សម្រាប់អ្នកប្រើប្រាស់ដែលចង់បានភាពធូរស្រាលក្នុងចិត្ត ប្រើប្រាស់រយៈពេលយូរ និងចង់ឱ្យការវិនិយោគលើរថយន្តរបស់ខ្លួនត្រូវបានការពារដោយស្របច្បាប់ ការជ្រើសរើសរថយន្តដែលមានការធានាត្រឹមត្រូវដូចជា IM6 គឺជារៀបចំផែនការ"នៃការវិនិយោគដ៏រឹងមាំមួយ ព្រោះ IM6 មានក្រុមហ៊ុននាំចូលផ្លូវការត្រឹមត្រូវ ព្រមទាំងមានការធានារយៈពេល ៣ ឆ្នាំផងដែរ"។ ផ្ទុយទៅវិញ បើអ្នកជាអ្នកចូលចិត្តសាកល្បងបច្ចេកវិទ្យាថ្មី និងព្រមទទួលយកហានិភ័យផ្នែកសេវាកម្មដើម្បីដោះដូរនឹងតម្លៃធូរ Avatr 07 ក៏ជារថយន្តដែលមានភាពទាក់ទាញខ្លាំងមួយបែបដែរ។

ចុងក្រោយ តម្លៃពិតប្រាកដនៃរថយន្តមិនមែនវាស់វែងត្រឹមទឹកប្រាក់ដែលអ្នកបង់នៅថ្ងៃនេះទេ ប៉ុន្តែវាវាស់វែងដោយទំនុកចិត្ត និងការគាំទ្រដែលអ្នកនឹងទទួលបាននៅថ្ងៃស្អែក។