របៀបសណ្តោងយានជំនិះអោយស្រួល និងមិនខុសច្បាប់
ក្នុងការប្រើប្រាស់យានជំនិះ យើងអាចជួបប្រទះបញ្ហាផ្សេងៗដែលបណ្តាលអោយត្រូវសណ្តោងរថយន្ត ឬម៉ូតូ។ ដូច្នេះ ថ្ងៃនេះ ខ្ញុំនឹងប្រាប់បងប្អូនទាំងអស់គ្នាពីការសណ្តោង និងបែបបទនៃការសណ្តោងតាមបញ្ញត្តិដូចខាងក្រោម៖
បែបបទនៃការសណ្តោងយានជំនិះ
ការប្រើប្រាស់ឧបករណ៍សណ្តោង:
អ្នកបើកបរត្រូវប្រើខ្សែរកាប ឬដងដែក ឬឧបករណ៍សម្រាប់សណ្តោង ដែលធានាថាជាប់មាំល្អ និងងាយស្រួលក្នុងការបត់បែន។កម្រិតទម្ងន់:
ហាមអ្នកបើកបរប្រើខ្សែសណ្តោងចំពោះយានជំនិះដែលមានទម្ងន់សរុបលើសពី ៥ តោនឡើងទៅ។ការសណ្តោងយានជំនិះជាច្រើន:
ហាមអ្នកបើកបរសណ្តោងយានជំនិះលើសពីមួយគ្រឿង ឬសណ្តោងយានជំនិះដែលមានសណ្តោងរ៉ឺម៉កនិងស៊ីមីរ៉ឺម៉ក។ទោចក្រយាន និងទោចក្រយានយន្ត:
ហាមសណ្តោងទោចក្រយាន ឬទោចក្រយានយន្ត។អ្នកដំណើរនៅក្នុងរថយន្ត:
ហាមអ្នកបើកបរសណ្តោងរថយន្តគ្រប់ប្រភេទដែលមានអ្នកដំណើរនៅក្នុងនោះក្រៅពីអ្នកកាន់ចង្កូត។សញ្ញាសមរម្យសម្រាប់រ៉ឺម៉ក និងសឺមីរ៉ឺម៉ក:
រថយន្តដែលមានសណ្តោងរ៉ឺម៉ក ឬសឺមីរ៉ឺម៉ក ត្រូវមានសញ្ញាត្រីកោណសមបាតដែលមានកញ្ចក់ចាំងពន្លឺពណ៌លឿងពីរដាក់នៅកាងរថយន្តខាងមុខអមសងខាងស្លាកលេខ។
ការគ្រប់គ្រងដោយក្រសួងសាធារណៈការ និងដឹកជញ្ជូន
- បច្ចេកទេសនៃការថ្ពក់សណ្តោងរ៉ឺម៉ក ឬសឺមីរ៉ឺម៉ក និងការដោះរ៉ឺម៉ក ឬសឺមីរ៉ឺម៉កចេញពីរថយន្ត ឬក្បាលរថយន្ត ត្រូវកំណត់ដោយប្រកាសរបស់រដ្ឋមន្ត្រីក្រសួងសាធារណៈការនិងដឹកជញ្ជូន។
បែបបទនៃការសណ្តោងនេះត្រូវបានដកស្រង់ពីការិយាល័យសុវត្ថិភាពចរាចរណ៍ នៃមន្ទីរសាធារណការ និងដឹកជញ្ជូន ខេត្តកណ្ដាល https://t.me/roadsafetykandal ។ បងប្អូនត្រូវតែអនុវត្តតាមបញ្ញត្តិខាងលើ ដើម្បីធានាសុវត្ថិភាព និងការគោរពច្បាប់ក្នុងការបើកបរ។
