ចំពោះ  Ford Ranger  Wildtrak ​​ស៊េរីឆ្នាំ 2023​ បានដាក់លក់នៅស្រុកខ្មែរយើងហើយ ក្នុងតម្លៃ​ $58,500 ដោយ​ Ford បានផ្តល់នូវម៉ាស៊ីនម៉ាស៊ូត 2.0 ​លីត្រ​​​​ ប្រើជា​ Bi-Turbo​​​ ជំនាន់ថ្មី  ប្រើនូវប្រអប់លេខ ​​​10វគ្គអូតូ ហើយកញ្ចប់តម្លៃប៉ុណ្ណេះ  យើងអាចទទួលបានកម្លាំងម៉ាស៊ីន ​213 ps និងកម្លាំងបង្វិលជុំ​ 500Nm ព្រមទាំងប្រព័ន្ធសុវត្ថិភាពដែលមានបច្ចេកវិទ្យាទំនើបៗ​​ ។

​ដោយឡែកចំពោះFord Everest ស៊េរីឆ្នាំ​ 2023 នេះវិញ​​​ ជារថយន្តប្រភេទ SUV​ ដែលទើបតែប្រកាសចេញលក់នៅស្រុកខ្មែរកាលពីដើមខែមីនា​ ។ ​ Ford Everest  ត្រូវបាននាំចូលមកដល់ស្រុកខ្មែរមាន ២​​​ ម៉ូដែល Sport និង Titanium  ដែលមានតម្លៃ​ $69,900 និង​ $79,900 ។​ 

គូសបញ្ជាក់ផងដែរថា​​​​ ចំពោះរោងចក្រដំឡើងរថយន្ត Ford​​ នឹងត្រូវចាប់ផ្តើមសម្ពោធនៅថ្ងៃទី ១៦​ ខែមិថុនា ឆ្នាំ ២០២២​ ខាងមុខនេះហើយ​ តាមបណ្ដោយផ្លូវជាតិលេខ៥​​ នេះបើយោងតាមសេចក្តី ប្រកាសចេញពីហ្វេសបុក​អាខោនផ្លូវការរបស់សាលាខេត្តពោធិ៍សាត់  ។ យ៉ាងណាមិញ ចំពោះការបោះទុន ២១លានដុល្លារ របស់ក្រុមហ៊ុន RMA Cambodia Co.,Ltd  ដោយគេរំពឹងថាអាចដំឡើងរថយន្តចាប់ពី​ 4500 ទៅ 6000 គ្រឿង ក្នុងមួយឆ្នាំ ព្រមទាំងផ្តល់ឱកាសការងារ ប្រមាណជាង ៥០០ នាក់​ ផងដែរ ៕