BYD គឺជាក្រុមហ៊ុនផលិតអាគុយ EV ធំជាងគេទីពីររបស់ពិភពលោក ជាមួយនឹងចំណែកទីផ្សារសកល 15.8% ក្នុងឆ្នាំ 2023។ អាគុយរបស់ពួកគេត្រូវបានប្រើប្រាស់នៅក្នុងរថយន្តអគ្គិសនី និងកន្លែងផ្ទុកនៅស្ថានីយ ប៉ុន្តែការប្រើប្រាស់យ៉ាងច្រើននៅក្នុងម៉ូតូអគ្គិសនី កង់អេឡិចត្រូនិច មិនត្រូវបានដំណើរការនៅឡើយទេ។
ប៉ុន្តែថ្មីៗនេះ ក្រុមហ៊ុន BYD បានប្រកាសពីគម្រោងរបស់ខ្លួន កាលពីថ្ងៃទី ២៥ ខែកុម្ភ: ថា ខ្លួននឹងបង្កើនការវិនិយោគ ជាមួយនឹងដៃគូសហការ R&D របស់ខ្លួនដើម្បីអភិវឌ្ឍន៍អាគុយសម្រាប់បំពាក់ទៅលើម៉ូតូអគ្គិសនី និងកង់អគ្គិសនី(e-Scooter) ។
យ៉ាងណាមិញ BYD ក៏ធ្លាប់មានបទពិសោធន៍ជាមួយនឹងម៉ូតអគ្គិសនីដែរ នៅឆ្នាំ 2022 BYD បានសហការជាមួយម៉ាកម៉ូតូអេស្ប៉ាញ Nerva ដើម្បីផ្គត់ផ្គង់ថ្ម LFP ទៅដល់ម៉ូតូអគ្គិសនីថ្មីរបស់ពួកគេ។ Nerva Exe E-Scooter ត្រូវបានដាក់ឱ្យដំណើរការក្នុងខែកុម្ភៈឆ្នាំ ២០២២ ជាមួយនឹងទំហំថ្ម 5.76 kWh ដោយអាចសាកពី 0-80% ក្នុងរយៈពេល 3.5 ម៉ោង។
កាលពីខែកក្កដា ឆ្នាំ 2023 BYD បានចុះកិច្ចសន្យាជាមួយក្រុមហ៊ុន Scorpio Electric ម៉ាក Scorpio Electric របស់ប្រទេសសឹង្ហបុរី ដើម្បីតំឡើងម៉ូតូ X1 អគ្គិសនីដំបូងរបស់ពួកគេនៅទីក្រុង Shenzhen សម្រាប់ទីផ្សារប្រទេសចិន។
ទោះបីជា X1 ត្រូវបានផលិតដោយ BYD ក៏ដោយក៏វាមិនត្រូវបានបំពាក់ដោយថ្ម LFP របស់ BYD ដែរ ផ្ទុយទៅវិញ X1 គឺប្រើអាគុយរបស់ Samsung ។
ប្រភព៖ CarNewsChina
