ដើម្បីផ្ដល់ភាពងាយស្រួល ដល់អ្នកដែលចង់តាមដានជើងយន្តហោះហើរផ្សេងៗ មិនថាយន្តហោះក្នុងស្រុក ឬក្រៅស្រុក ពេលនេះចាបខៀវសូមណែនាំ App និង Website សម្រាប់តាមដាននូវរាល់ការចុះចត ហោះចេញចូល ឬឆ្លងកាត់ប្រទេសផ្សេងៗ ដែលយើងអាចមើលដឹងបានផ្ទាល់ៗ ទោះបីជាកំពុងហោះនៅលើអាកាសក៏ដោយ។
App នេះមានឈ្មោះថា flightradar24 ដែលក្នុងនោះដែរ គឺមានទាំង App និង Website។ មិនមានអ្វីស៊ាំញ៉ាំច្រើនទេ លោកអ្នកគ្រាន់តែចូលទៅទាញយក ឬចូលទៅក្នុងវេបសាយ នោះវានឹងបង្ហាញវត្តមានយន្តជាច្រើនគ្រឿងនៅលើផែនទីទូទាំងពិភពលោក ដោយក្នុងនោះនៅក្នុងប្រទេសកម្ពុជាយើងក៏អាចមើលដឹងផងដែរ។
សម្រាប់យន្តហោះដែលយើងអាចមើលឃើញនេះ គឺសុទ្ធសឹងតែជាជើងយន្តហោះដែលកំពុងហោះហើរ និងយន្តហោះខ្លះទៀតកំពុងចុះចតនៅក្នុងអាកាសយានដ្ឋាននៃប្រទេសណាមួយជាដើម។ ចូលមើលក្នុងវេបសាយផ្ទាល់ flightradar24 ឬទាញយក App ទាំងនៅលើ Android និង iOS។
អត្ថបទដោយ៖ ផែន ផាន់ណា
