កាលពីថ្ងៃទី 20 ខែកក្កដា កន្លងទៅនេះ ប្រាប់ចំៗ ដែលមានការដឹកនាំដោយលោក Jerry Thai បានសហការគ្នាជាមួយនឹងក្រុមហ៊ុន Saramonic រួមជាមួយនឹងហាងលក់កាមេរ៉ា Leng Kheang បានរៀបចំនូវកម្មវិធី "បច្ចេកទេសថត វីដេអូ និងការបង្កើតមាតិកា" នៅទីតាំង Co Creative Corner(Fun Mall) ដើម្បីធ្វើការចែករំលែកនូវចំណេះដឹង ក៏ដូចជាបទពិសោធន៍ នៃការផលិតមាតិកា តាមរយៈការប្រើប្រាស់ផលិតផលថ្មីៗ ស្របតាមតម្រូវការរបស់ការងារនីមួយៗ ពីសំណាក់ភ្ញៀវកិត្តិយស ដែលជាអ្នកជំនាញល្បីៗជាច្រើនរូបនៅក្នុងប្រទេសកម្ពុជា។
កម្មវិធី "បច្ចេកទេសថត វីដេអូ និងការបង្កើតមាតិកា" គឺមានការចាប់អារម្មណ៍ខ្លាំងមែនទែនពីសំណាក់ បងប្អូនដែលជាអ្នកចូលចិត្តទៅលើការផលិតរូបភាព និងវីដេអូ ក៏ដូចជាអ្នកដែលបានផលិតមាតិកានៅលើបណ្តាញសង្គមជាច្រើន។ បន្ទាប់ពីមានការឡើងធ្វើបទបង្ហាញពីបទពិសោធន៍នៃការផលិតមាតិកា ពីសំណាក់អ្នកជំនាញផលិតមាតិកាជាច្រើនរូបដូចជា លោក ជី សុផាត - Sophat Chy, នារីចល័តចរ - Neary Chalat Chor, Annie, Sal Tech, Solina Chan និងភ្ញៀវពិសេសដែលបានចូលរួម ដុំហ្វីល - Film Reel រួមជាមួយនឹងចាន់ឌី - Chandy រួចមក អ្នកដែលបានចុះឈ្មោះចូលរួមនៅក្នុងកម្មវិធីនេះ ក៏បានសួរសំណួរទៅកាន់អ្នកជំនាញ អំពីការប្រើប្រាស់ទៅលើផលិតផលថ្មីៗ ដែលអាចសមស្របទៅនឹងការងាររបស់ខ្លួនផងដែរ។
សូមជម្រាបផងដែរថា នៅក្នុងកម្មវិធី "បច្ចេកទេសថត វីដេអូ និងការបង្កើតមាតិកា" នេះ ក៏មានការដាក់តាំងបង្ហាញនូវផលិត ផលថ្មីជាច្រើនរបស់ក្រុមហ៊ុន Saramonic ផងដែរ ហើយសម្រាប់ម៉ូដែលថ្មី ដែលមានការចាប់អារម្មណ៍នៅក្នុងឆ្នាំ 2024សម្រាប់បំពេញការងារផលិតសម្លេងនៅក្នុងវីដអូនោះគឺ Saramonic Blink 500 B2+។
ឧបករណ៍ថតសំឡេងឥខ្សែថ្មីនេះ មានការរចនាឡើងជាមួយនឹងរូបរាងតូច ស្រាល ហើយអាចថតចែកដាច់សំឡេងនៃកម្មវត្ថុបាន២ចូលទៅក្នុងកុំព្យូទ័រនិងកាមេរ៉ា ក៏ដូចឧបករណ៍ចល័តផ្សេងៗទៀត។ លើសពីនេះទៅទៀត Saramonic Blink 500 B2+ គឺមានមុខងារថតសំឡេងកាន់តែក្នុងទីតាំងណាមួយជាមួយនឹងប្រព័ន្ធតភ្ជាប់ឥតខ្សែបានដល់ទៅ 150 ម៉ែត្រ។
លោកអ្នកទទួលបានឧបករណ៍បញ្ជូនឃ្លីបសំឡេងពីរ ដោយនៅលើឧបករណ៍នីមួយៗមានរន្ធមីក្រូហ្វូនដែលភ្ជាប់មកជាមួយប្រព័ន្ធ dual-channel receiver ងាយស្រួលភ្ជាប់ទៅនឹងជើងកាមេរ៉ា ឬដោតចូលទៅក្នុងឧបករណ៍បានដោយផ្ទាល់តាមរយៈ USB-C និង Lightning Adaptor ដែលមានមកជាមួយ និង ឧបករណ៍ចាំបាច់ទាំងអស់ ជាពិសេគឺភ្ជាប់មកជាមួយប្រអប់សាកថ្មស្រាប់។ ហើយ Blink 500 B2+ ក៏មានភ្ជាប់មកជាមួយប្រព័ន្ធកាត់បន្ថយសំឡេងកម្រិតខ្ពស់ 2-stage Active Noise Canceling ដែលអាចធ្វើការកំនត់កម្រិតសំឡេងរំខានបានតាមតម្រូវការដូចជា កម្រិត High និង Low Sound ជាដើម។
ចំនុចពិសេសមួយទៀតរបស់ Blink 500 B2+ គឺមានថ្មកាន់ប្រើបានយូរដោយក្នុងនោះនៅលើឧបករណ៍បញ្ចូនសំឡេង ឬ RX Transmitter មានថ្មកាន់បាន 20 ម៉ោង និងនៅលើឧបករណ៍ទទួល ឬ RX Transmitter មានថ្មកាន់បាន 16 ម៉ោង ដែលនេះ គឺជាថាមពលដែលកាន់បានយូរជាងឧបករណ៍ថតសំឡេងម៉ាកផ្សេង។
ជាងនេះទៅទៀត វាក៏មានប្រអប់ដែលមានថាមពលថ្មទំហំ 1,250mAh ដែលសាកភ្លើងមួយពេញម្តង គឺអាចសាកឧបករណ៍ Transmitter និង Transmitter បាន 1.6 ដង ដែលធ្វើឲ្យការប្រើប្រាស់ជាមួយ Saramonic Blink 500 B2+ បានរយះពេលដល់ទៅ 41.6 ម៉ោង ហើយ Transmitter និង Receiver ក៏អាចដោតសាកភ្លើងខាងក្រៅបានផងដែរដោយប្រើជាមួយនឹងឧបករណ៍សាកភ្លើងជាប្រភេទ USB-C Battery Pack។ ចំពោះ RX Transmitters គឺមានទម្ងន់ស្រាលត្រឹមតែ 23 ក្រាមជាមួយថ្មទំហំ 190mAh ចំនែក RX Receiver មានទំងន់ 30 ក្រាមជាមួយថ្មទំហំ 400mAh។